رجال يستحقون التتويج

تعاليت الاسماء وتجاملت...........ود/كامل خير الاسماء كالناصور
فهو كالبحر الملاح ..........تتمايل فيه الامواج الحبور
تسمحولي يا باشمهندسين اني اقول الكلام ده علي دكتور كامل لانه فعلا شخصية جميلة جداااااااا ومحترمة
علي فكرة البيتين دول قلتهم لناس كتير بس دكتور كامل هو اكتر واحد يستحقهم
وان شاء هشيل من تفكيري فكرة تعليم بلا جدوي وفشل بلا حدود لان دكتور كامل فعلا شاف التعليم الصح في كندا وبصراحة حلم حياتي اسافر كندا فان شاء الله نستفيد من خبرته وطريقة تفكيره السليمة المنطقية ومن المعلومات الحديثة اللي يمتلكها
وان شاء الله نوفق كلنا الترم ده

بصراحه انا مرضتش احكم عليه من اول محاضره


بس انا بجد لما سمعت له المحاضره انهارده فعلا احسست انه رجل يستحق التتويج فعلا رجل قادر على فهمنا رجل يستحق الاحترام

أنا رأيي إن دكتور كامل حقيقي يستاهل كلمة دكتور لأن محاضرته تمتاز بالمتعة والتشويق ولا يوجد بها أى
نوع من الملل وحقيقي يارب كلنا نركز في محاضرته ونستفاد من معلوماته على قد منقدر وربنا يوفقوا

أما بالنسة لمحاضرة دكتور محيي في الاحصا ء والاحتمالات كلها ملل لأ مفيش رياضه بتتشرح على data show وهى محاضرة غير ممتعة بالمرة واما عن محاضرة دكتور حمدي في الخوارزميات أنا شيفه إن دكتور حمدي عنده معلومات كويسة بس عيبه إنه مش بيسيطر على الطلاب لأن محاضرته كان كلها كلام واكيد محدش فهم حاجه ولا حد سمع حاجه ولا إنتو إيه رأيكم؟؟؟؟؟؟؟؟؟؟؟؟؟؟

عندك حق ورايي من رايك

اولا انا احب اوضح اننا لسه ما نقدرش نحكم على اى دكتور دلوقتى لان الترم لسه فى اوله ،بس من خلال المحاضرات السابقه ممكن نكون صوره عامه عن شخصية كل محاضر ،بس احب اقول ان من اكفأ المحاضرين الترم الاول كان دكتور نبيل لانه كان بيعمل بضمير على الرغم من اننا اشتكينا بعض الشىء من مادته فى اول الترم لاننا ما اهتمناش كويس بيها من الاول .وشايفه ان دكتور اسامه ايضا كان على درجه كبيره من القدرة على توصيل المعلومة للطالب اللى امامه وكان فعلا من الرجال اللى يستحقوا التتويج لان كان هدفه الاول هو مصلحتنا وده شىء بنشكره كتير عليه .وانا شايفه ان الدكاتره دول هم الاكثر صلاحية بالتتويج فعلا وبدون مجامله .اما بالنسبه لدكترة الترم التانى فدكتور كامل انسان جميل من الداخل بس اللى حاول يلتمسه فينا من الانضباط والنظام للاسف لم يجده ولن يجده لاننا صعب اوى اننا نتغير من الداخل الا بمجهود مكثف بس احنا ما بنحبش نبزل مجهود بالمرة فى اى حاجه.ورأيى فى دكتور محيى زى رأيكم بالظبط انا متضايقه لاننا لم نستفيد جيدا منه بس انا مش عارفه هل العيب مننا ولا منه هو؟؟؟ .معزرة انا طولت عليكوا بس ده كان رأيى بالتفصيل وحبيت اقوله كله .وشكرا على المنتدى الرائع ده.