دلـــع حــــاسبات


المنتدي ده خاص بطلبة حاسبات ومعلومات جامعة المنوفية بشبين الكوم وده هيبقي عليه كل حاجة خاصة بالدراسة في الكلية دي وخاصة الفرقة الاولي
 
semsemالرئيسيةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 تتجوزينى

اذهب الى الأسفل 
كاتب الموضوعرسالة
eslam elkoptan
Admin
Admin
avatar

ذكر
عدد الرسائل : 264
العمر : 27
العمل/الترفيه : بحب الجيتار وبكتب شعر
المزاج : زي الفل
تاريخ التسجيل : 11/12/2008

مُساهمةموضوع: تتجوزينى   الإثنين 9 مارس 2009 - 11:01

تتجوزينى
تتجوزيني ؟
ـ أفندم ؟
ـ بقولك تتجوزيني ؟
ـ !!!!!


ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !


ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة !
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نكولاس ..
ـ مين نكولاس ده ؟
ـ بقة مالكشي في السيما وجاي تكلمني ؟ .. ياي !


ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
ـ دونكي دي تبقى شتيمة ؟
ـ أوف كورس !


ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟


ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟


ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟


ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !


ـ تتجوزيني ؟
ـ جمعت مبلغ كويس ؟ ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .


ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !


(بعد سنوات)
ـ تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !


ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !


(بعد سنين)
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟


ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟


( بعد سنين)
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟ ـ ربنا يوفقك !
ـ بتقول إيه ؟
ـ ربنا ياخدك !


(على فراش الموت) ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
ـ مش شامعة ! ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح ……. ـ أجوش مين ؟!!!
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
ـ إيه ؟ ..
ـ لا .. كوح .. أبدًا .. كوح .. كنت … كح كح .. بأكح !!
ـ كنت بتكح ؟!!!! .. شلامتك !! .. ما قلتليش ليه ؟!
ـ هو .. كوح .. إنتي .. لشة .. عارفـ .. ـة .. كوح كوح !
ـ بتقول إيه ؟!!
ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
ـ أجوشك ؟!! .. طب بش خد الدوا الأول !
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
ـ أيوة يا حاج .. موافقة !! .. موافقة إنك تتكوشني ..
ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع ! ـ يا حاج .. يا حاج .. لااااااااااااااااااااااااااااا !!
يا رب تعجبكم
الرجوع الى أعلى الصفحة اذهب الى الأسفل
http://dala37asebat.ahlamontada.net
forever
Active Member
Active Member
avatar

انثى
عدد الرسائل : 212
المزاج : يعنى شغال
تاريخ التسجيل : 09/02/2009

مُساهمةموضوع: رد: تتجوزينى   الإثنين 9 مارس 2009 - 13:30

هههههههههههههههههههههه

بجد جااااااااااااااااااااااااااااامده جدا بس طويله اوى
انا لو مكانه كنت قتلتها وخلصت ولو مكانها كنت قتلته وخلصت
الرجوع الى أعلى الصفحة اذهب الى الأسفل
Damaged
Excellent Member
Excellent Member
avatar

انثى
عدد الرسائل : 341
العمر : 27
تاريخ التسجيل : 29/01/2009

مُساهمةموضوع: رد: تتجوزينى   الإثنين 9 مارس 2009 - 13:47

ههههههههههههههههه موضوع حلو بجد وانا لو كنت مكانه كنت قتلت نفسي
الرجوع الى أعلى الصفحة اذهب الى الأسفل
reallove
عضو مبدع
عضو مبدع
avatar

انثى
عدد الرسائل : 466
العمر : 27
العمل/الترفيه : بيقولوا مشروع مهندس برمجه
المزاج : مبسووووووووطه اخر حاجه
تاريخ التسجيل : 29/01/2009

مُساهمةموضوع: تتجوزيني   الإثنين 9 مارس 2009 - 16:08

ههههههههههههههههههههههههههههههههههههههههههههههه
حلوه اوي القصه دي يابشمهندس
ومظنش ان في حد يستني حد الفتره دي كلها
ولوكنت مكانه لكنت قتاتها
Very Happy Very Happy Very Happy Very Happy
الرجوع الى أعلى الصفحة اذهب الى الأسفل
Eng Hazem
Admin
Admin
avatar

ذكر
عدد الرسائل : 441
العمر : 29
الموقع : Tanta
المزاج : Changing but very nice
تاريخ التسجيل : 25/02/2009

مُساهمةموضوع: رد: تتجوزينى   الإثنين 9 مارس 2009 - 19:30

جامده جدااااااااااااا القصه دى
واكيد مافيش حد كده الايام دى

قال تتكوشينى قال
هههههههههههههههههههههه
الرجوع الى أعلى الصفحة اذهب الى الأسفل
http://www.zoma.ibda3.org
braveheart
عضو ملكــــــى
عضو ملكــــــى
avatar

انثى
عدد الرسائل : 935
العمر : 27
تاريخ التسجيل : 28/01/2009

مُساهمةموضوع: رد: تتجوزينى   الإثنين 9 مارس 2009 - 19:49

قصه هاااايله

والحمد لله انه مات قبل مايعملوا الفرح بدل ما كانوا همه الاثنين يتوكلوا على الله عند المصوراتي قال ايه مكاستحملوش فلاش الكاميرا جاتلهم سكته قلبيه (هههههههههههههههههه)
الرجوع الى أعلى الصفحة اذهب الى الأسفل
tarek_pop
عضو مبدع
عضو مبدع
avatar

ذكر
عدد الرسائل : 407
تاريخ التسجيل : 01/03/2009

مُساهمةموضوع: رد: تتجوزينى   الثلاثاء 10 مارس 2009 - 16:48

ايه يا عم الناس اللي انتا جايبهم دول دول انتهت صلاحيتهم

ايه يا عم هتستنا لحد ما تعجز علشان تتجوز ولا ايه؟؟؟؟

القصة هايلة يا بشمهندس

بس الراجل كان ناوي ينتحر لو هيقا وافقت قبل ما يعجز ولا ايه؟؟؟؟

هههههههههههه lol! lol! lol! lol! lol!
الرجوع الى أعلى الصفحة اذهب الى الأسفل
السندريلا 2009
Starting Member
Starting Member
avatar

انثى
عدد الرسائل : 27
العمر : 29
العمل/الترفيه : بحب الرسم اوي والكمبيوتر
تاريخ التسجيل : 27/02/2009

مُساهمةموضوع: رد: تتجوزينى   الثلاثاء 10 مارس 2009 - 19:52

كل ده صبر يا بشمهندس لو انا كنت قتلتها ايه الحب ده الي يعمل بصحبه كيدا هههههههههههههههههه بس موضوع ظريف lol! lol! lol! lol! lol! lol! lol! lol!
الرجوع الى أعلى الصفحة اذهب الى الأسفل
Eng.Khal000da
Admin
Admin
avatar

ذكر
عدد الرسائل : 361
العمر : 28
المزاج : meday2
تاريخ التسجيل : 13/12/2008

مُساهمةموضوع: رد: تتجوزينى   الأربعاء 11 مارس 2009 - 12:00

موضوع جامد ياسولم
بجد تحفة
بقلك ايه ماتيجي تغني عليها اغنية البنت دي ؟؟؟
هههههههههه
الرجوع الى أعلى الصفحة اذهب الى الأسفل
http://www.hawak.hooxs.com
blue wolf
Starting Member
Starting Member
avatar

ذكر
عدد الرسائل : 32
العمر : 27
تاريخ التسجيل : 20/02/2009

مُساهمةموضوع: رد: تتجوزينى   الخميس 12 مارس 2009 - 15:43

ههههههههههههههههههههههه
لا بجد جامده
بس انا عايز أسأل سؤال
في واحده في الدنيا تستاهل ان الواحد يفضل يستناها طول العمر؟؟؟؟؟؟؟؟؟؟
انا عن نفسي معتقدش
الرجوع الى أعلى الصفحة اذهب الى الأسفل
eslam elkoptan
Admin
Admin
avatar

ذكر
عدد الرسائل : 264
العمر : 27
العمل/الترفيه : بحب الجيتار وبكتب شعر
المزاج : زي الفل
تاريخ التسجيل : 11/12/2008

مُساهمةموضوع: رد: تتجوزينى   الخميس 12 مارس 2009 - 19:56

ميرسي علي رودوكم يا باشمهندسين
الرجوع الى أعلى الصفحة اذهب الى الأسفل
http://dala37asebat.ahlamontada.net
enmidomagdy
Starting Member
Starting Member
avatar

ذكر
عدد الرسائل : 49
العمر : 27
الموقع : tanta
العمل/الترفيه : REACING
المزاج : ME7AYBAR
تاريخ التسجيل : 14/03/2009

مُساهمةموضوع: رد: تتجوزينى   الأحد 15 مارس 2009 - 0:12

[size=18]اية الحاجات الجامدة دى ياسمسم اية كدة اديها فى المفيد[ /size]
الرجوع الى أعلى الصفحة اذهب الى الأسفل
en.medo
Starting Member
Starting Member
avatar

ذكر
عدد الرسائل : 6
العمر : 28
تاريخ التسجيل : 19/05/2009

مُساهمةموضوع: رد: تتجوزينى   الأربعاء 20 مايو 2009 - 19:41

موضوع جااااااااااااااااااااااااااااااااامد اوي
انا لو مكانة كنت قولتلها تجوشيني
الرجوع الى أعلى الصفحة اذهب الى الأسفل
lovely& lolo
Active Member
Active Member
avatar

انثى
عدد الرسائل : 118
العمر : 26
العمل/الترفيه : بحب الرسم
تاريخ التسجيل : 02/03/2009

مُساهمةموضوع: رد: تتجوزينى   الخميس 21 مايو 2009 - 21:08

ههههههههههههههههههههه موضوع جامد يابشمهندس
بس اية كمية الكحة اللى فى الاخر
الرجوع الى أعلى الصفحة اذهب الى الأسفل
روميو &جوليت
عضو فضى
عضو فضى
avatar

انثى
عدد الرسائل : 710
العمر : 27
الموقع : بيتنا
العمل/الترفيه : مبرمجه قد الدنيا
المزاج : رايق الى حد ما
تاريخ التسجيل : 28/04/2009

مُساهمةموضوع: رد: تتجوزينى   الإثنين 25 مايو 2009 - 18:35

الموضوع هايل فعلا يا بشمهندس
الرجوع الى أعلى الصفحة اذهب الى الأسفل
eslam elkoptan
Admin
Admin
avatar

ذكر
عدد الرسائل : 264
العمر : 27
العمل/الترفيه : بحب الجيتار وبكتب شعر
المزاج : زي الفل
تاريخ التسجيل : 11/12/2008

مُساهمةموضوع: رد: تتجوزينى   الإثنين 25 مايو 2009 - 21:56

ميرسي اوي
الرجوع الى أعلى الصفحة اذهب الى الأسفل
http://dala37asebat.ahlamontada.net
 
تتجوزينى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلـــع حــــاسبات :: ¨°o.O ( الأقسام العامة ) O.o°" :: `~'¤!||!¤'~`(( منتدى الرومانسية ))`~'¤!||!¤'~`-
انتقل الى: