صراحه xصراحه

السلام عليكم ورحمه الله وبركاته

انا شوفت فكره التوبيك ده فى كزا منتدى وعجبتنى وهى ان كل عضو هيدخل يجاوب على سؤال العضو الى قبله ويسال سؤال للبعده بس الاجابه بصراحه جدااااااااااااااااااااااااااا
انا بقى بالنسبه لسؤالى ..................................
ايه الحاجه الى عملتها وندمت انك عملتهاا؟؟

انا في حاجه قررتها وندمت اني معملتهاش

الفكره دي حلوه جده يابشمهندسه انا في اني دخلت علمي مش ادبي علي فكره والله مش بهزر دي اكتر
حاجه ندمت اني معملتهاش بجد كان هيبقي ليا مستقبل جاااااااااامد في ادبي بس كل حاجه في النهايه قسمه ونصيب
سؤالي للبشمهندسين هل لماتغلط في حد من وراه وتعرف بعد كده انه كويس هتروح تقله سامحني انا قلت عليك كدا من وراك ولا هتعدي وتقول اهو ميعرفش وخلاص وتكون غلطاااااااااااااااااااااااانفيه اوي اوي

انا رايي اني اروح اعترف بخطاي واصفي المشكله بيني وبينها بدل ما تكبر واحسن ماحد من بره يقولها وبكده الموضوع يكبر اكثر.


وبالنسبه لسؤالي ايه اللي ممكن يزعل الواحد من نفسه اوي؟

وحبيت اقول انها فكره حلوه جدا يا باشمهندسه ايمي.

فعلا فكرة جامدة يابشمهندسة ايمي

اجابتي بقى اكتر حاجة بتزعل الواحد من نفسوا ؟؟
انو يفضل يحب واحدة وهوه عارف انها مش بتحبوا ولا بتفكر فيه ودي حاجة مش تخلي الواحد يزعل من نفسوا بس ده تخليه يندم كمان


سؤالي بقى ياجماعة ..
ايه اكتر حاجة بتكسر مشاعر الناس

اقتباس :

سؤالي بقى ياجماعة ..
ايه اكتر حاجة بتكسر مشاعر الناس

اااكتر حاجه تكسر مشاعر الناس هى الغدر مش شرط الغدر يكون بين ولد وبنت ممكن يكون غدر الاصحاب

سؤالى انا بقى ممممممممم...............


نفسك في ايه دلوقتي؟

سؤالي انا لو بتمتلك العالم ايه اول حاجه هتعملها؟

انا عن نفسي
اولا:هطلع كل المحتلين من ارضينا العربيه
ثانيا:خلي السلام يعم انحاء العالم كله ماعدا اسرائيل وامريكا هوريهم العين الحمراء زي مابنقول
ثالثا:هوحد الدول العربيه كلها
رابعا:هرجع احمد زويل والعلماء المصريين اللي بره لمصر
خامسا:مش هخلي ولا دوله فقيره
وبان عمري ماهملك العالم فالبتالي احلامي عمرها ماتتحقق

كويس اوي
بس اتكلمتي عن كل حاجه ونسيتي انك تطبقي كلام ربنا وتخلي القران هو الدستور
لكن كلامك كويس اوي
وليه متكنيش حاكمة العالم

فعلا معلشي انا نسيت اتكلم علي ان قراءنا هودستورنا
ومش عمري هكون حاكمه العالم لاني وببساطه مش دكيه لدرجة حكم الملايين دول كلهم
ثانيا هنام ازاي وبالي مش مرتاح وانا عارفه اني كل واحد بيغلط غلطه هتحاسب معاه عليها
وانا عمري مهكون زي سيدنا عمر في نزاهته لان الزمان غير الزمان(فكلكم راع ومسؤل عن رعيته)
ثانيا انا هعمل اللي انا عايزاه وبعدين هقدم استقالتي بس علشان راحة البال(دا ان الحلم اتحقق)

سيدنا عمر بن الخطاب كان بيخاف ان دابة تقع في الطريق
فتخيلي كان عايش ازاي وباله مشغول بالانسان والحيوان
لكن الزمان غير الزمان وربنا يوفقنا وليحكم العالم يكون مسلم مننا

يا بشمهندسين انتوا بتكتبوا الرد على السؤال وبتنسوا تسالوااااا

خلاص اسال اناااااا ........................

سؤالى بقى .....................

لو رجعت السنين لوراء ايه السنة اللي بتتمنى تمسحها من حياتك ؟

انا يابشمهدسه اكتر سنه نفسي بجد امحيها من حياتي لورجع الزمن هي
تانيه ثانوي لاني بجد مريت فيها بمواقف مش عايزه افتكرها
اما سؤالي هو........
بمئننا كلنا عندنا عيوب ودي حاجه عاديه
ايه بقي العيب اللي انتوا بتكرهوا في نفسكم ونفسكم تغيروه ومش عارفين؟

اهم هدف في حياتي اني اكون نجم ومعروف قدام نفسي مش قدام الناس

انا مش لاقيه سؤال عشان كده حرد على سؤال الموضوع اللي قبله .

اهم هدف في حياتي ان اصبح ناجحه جدا مجالي وفي كليتي وفي عملي المستقبلي.

اما بالنسبه لسؤالي:ليه الكدب باه شائع اوي في مجتمعنا وعلى لسان كل الناس على الرغم من ان الكدب حرام؟

اقتباس :

اما بالنسبه لسؤالي:ليه الكدب باه شائع اوي في مجتمعنا وعلى لسان كل الناس على الرغم من ان الكدب حرام؟

علشان احنا فى مجتمع نسى فيه منهج ربنا بعدنا عن قرئنا الى هو دستورنا ومنهجنا الى احنا المفروض ماشين على خطاااه ويارب نرجع تانى لدستورناا وانا بفكر فى حاجه تساعدناا ان شاء الله اننا نرجع تانى لقرئنا ونقرب بيه من ربنا تانى وان شاء الله التوبك هيبقى الركن الدينى

اما بقى لسؤالى ...........

ماهي التجربه التي تتمنى تكرارها ؟

اكتر تجربه نفسي اكررها هيه


اني اركب سفينه كبيره وادخل البحر وابقى في البحر يومين او ثلاثه لاني بجد بحب البحر جدا وبحب اتفرج عليه.

اما بالنسبه لسؤالي فهو:ايه اهم حاجه في حياتك وانت بتحبها جدا ؟

اهم حاجه فى حياتى وانا بحبها جدا هى صديقتى وانتمتى وبجد بموت فيها وهى فعلا اهم حاجه فى حياتى بعد ارضاء ربنا ورسوله طبعا




بالنسبه لسؤالى وبجد عيزاكم كلكم تجاوبوا عليه
نفسك تعيش للوقت الى هينزل فيه سيدنا عيسى من السماء للارض ويقتل الدجال ويكسر الصليب ولايرضى غير الاسلام دينا ؟يعنى تعيش لعصر الفتنه ؟ ولا لا؟

اكيد لا .

انتي عارفه ان انا جدتي دائما اسمعها وهيه بتقول اللهم لا تردنا الى ارزل العمر.

وده دليل انها مش عايزه تفضل عايشه في الفتره ديه لانه وقت عصيب جدا.

وانا من ناحيتي انا معاها وبدعي زيها لان اللي ايمانه قوي بس هوه ده اللي حيقدر يفلت من الاعيب المسيح الدجال ومحاولاته لجعل ذوي النفوس الضعيفه للايمان به والشرك بالله.

وربنا يبعدنا عن العيش في هذا العصر

اجابتك جميله يا باشمهندسه وكويس انك اعترفتى وانا بعترف معاكى ان ايمانا ضعيف واننا منقدرش نعيش فى العصر ده لاننا مش هنقدر نقاوم الفتنه
يا ريت اعرف راى باقى الاعضاء معترف ان ايمانك ضعيف وانك متقدرش تعيش فى العصر ده ولا لا؟

والله بجد كلامكم جميل جدا وفتح موضوع هايل انا بحب اكلم فيه
تسمحولي ان السؤال ده ليا وانا هجاوب عليه
اتمني لكن مش احب اني اكون في الوقت اللي هينزل فيه سيدنا عيسي لاني بحب الصراع والمغامرة
وبالنسبة لايمانا كتير منا مسلم بالطاقة لكن ان شاء الله هنتغير

احنا فعلا محتاجين نتغير محدش فينا باصص انه ممكن يموت بكره او انهارده كل واحد فينا حاسس ان العمر قدامه لسه طويل .

ويا باشمهندس اسلام ديه حاجه كويسه انك تحب المغامره بس فعلا العصر ده حيباه ملى بالفتن التي من الصعب مواجهتها وخاصة المسيح الدجال ويااجوج وماجوج .

وفي نصيحه ممكن البعض منكم مايكونش عارفها هيه ان ياجوج وماجوج محبوسين وراء سور عظيم وهم يحاولون هدمه كل مدى وكلما يقربوا ان ينتهوا من هدمه عندما يقرا المسلمون سورة الكهف يوم الجمعه ربنا سبحانه وتعالى يعيد بناء السورويرجع كما كان حتى ياتي امر من الله ويهدم هذا السور تماما.

وايضا سورة الكهف تجعل بين قارئها نورا بينه وبين السماء ويستمر هذا النور طوال الاسبوع حتى يتم قراءة سورة الكهف مرة ثانيه الاسبوع الذي يتبعه.

يارب تقراوها لان من الجميل جدا انك تحس ان في نور بينك وبين السماء طول ما انت ماشي.

وانا اجاوب على ايه دلوقتي؟؟؟؟؟

ماشي
سؤالي هو هل انت معجب بحد دلوقتي او بتمر بحب جديد؟؟؟؟؟؟؟؟؟؟؟؟؟؟؟؟؟؟؟