دلـــع حــــاسبات


المنتدي ده خاص بطلبة حاسبات ومعلومات جامعة المنوفية بشبين الكوم وده هيبقي عليه كل حاجة خاصة بالدراسة في الكلية دي وخاصة الفرقة الاولي
 
semsemالرئيسيةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 مش مهم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
blue wolf
Starting Member
Starting Member
avatar

ذكر
عدد الرسائل : 32
العمر : 26
تاريخ التسجيل : 20/02/2009

مُساهمةموضوع: مش مهم   الخميس 26 مارس 2009 - 19:33

اسمحوا لي يا جماعة اطرح عليكم شوية من الخواطر اللي بتدور في بالي من يوم نتيجة التنسيق
واللي مخلياني كاره كل شئ في حياتي ومليش نفس اعمل اي حاجة في الدنيا
الخواطر دي انا سميتها (مش مهم)

مش مهم

ايه يعني اتظلمت في الامتحانات وحقك ضاع؟.............................مش مهم

ايه يعني سهرت ليالي وطبقت أيام عشان تذاكر؟........................مش مهم

ايه يعني لما تحس انك عاجز وان ايديك متكتفه؟..........................مش مهم

ايه يعني لما تكون عارف انك ليك حق ومش قادر تاخده؟................مش مهم

ايه يعني دخلت كلية مش عاوزها ومبتحبهاش؟...........................مش مهم

ايه يعني لما الهندسة تكون بتجري في دمك ومتدخلهاش؟.............مش مهم

ايه يعني كنت هتموت نفسك يوم نتيجة التنسيق؟.......................مش مهم

ايه يعني بتقضي الليل بطوله بتفكر في اللي جرالك؟.....................مش مهم

ايه يعني لما مخدة سريرك تغرق من كتر الدموع؟.........................مش مهم

ايه يعني لما تقضي بقية عمرك في نكد وحزن؟...........................مش مهم

ايه يعني انك عايش بلا هدف وبلا دافع؟....................................مش مهم

ايه يعني لما تسمع كلمة باشمهندس قلبك يبكي؟......................مش مهم

ايه يعني ان الانسان في بلدنا كله علي بعضه كده مش مهم؟........مش مهم

مش مهم مش مهم مش مهم

فاضل سؤال واحد بس عاوز اعرف اجابته

هو ايه اللي مهم؟

الاجابه / مش مهم


الاسم / برضه مش مهم
الرجوع الى أعلى الصفحة اذهب الى الأسفل
Eng_Bosy
Active Member
Active Member
avatar

انثى
عدد الرسائل : 171
العمر : 26
العمل/الترفيه : طالبه فى الفرقه الاولى،بحب الغناءو العزف وقرأة القصص القصيره
المزاج : قلقانه جدا بسبب النتيجة ربناااا يستر
تاريخ التسجيل : 28/02/2009

مُساهمةموضوع: مش مهم   الجمعة 27 مارس 2009 - 1:27

اولا انت لازم تحمد ربنا على انه دخلك كلية كويسه زى حاسبات لان بجد انت محظوظ وانا اقولك انت محظوظ ليييه لان امتحانات الثانوية العامة كانت زى الزفت وربنا يعلم كانت حالتنا عاملة ازاى وازاى كنا مرعوبين من التنسيق وانت شوف اصحابك اللى حواليك هتلاقيك احسن منهم حظا او بمعنى اصح توفيقا لانى اعرف اصحاب ليا كانوا ممتازين بجد وشاطرين جدا بس كانت نهايتهم فى كليات مش حلوة على فكرة كلنا كنا بنحلم بهندسة مش لوحدك وكنا بنتمناها وانا ليا زمايل دخلوا هندسة وهما مش شاطرين ولا حاجة وكنا بنسمع الاسماء اللى دخلت هندسة ونصعق لانهم ماكنوش شاطرين ولا حاجة يعنى الموضوع كله (كوسة)علشان كده لازم تحمد ربنا انك ما ضعتش ودخلت كلية كده ولا كده وما كنتش هتعرف تاخد حقك بردو وكمان احب اقولك ان نسبة كبيرة من اللى معانا فى الدفعة داخلين الكلية مزاج يعنى كان فى ايديهم يدخلوا هندسة وده معناه ان كليتنا مرغوب فيها ومن كليات القمة ولازم تحبها علشان تقدر تنجح فيها ....الانسان مهما يعمل مش هيعجبه حاله
وعلى فكرة الموضوع ده كنا بنتكلم فيه كتير اوى اول السنه وازاى احنا اتظلمنا فى الامتحانات الزفت دى والتصحيح اللى كان زفت هوه كمان بس دلوقتى احنا لازم نفوق وننسى الموضوع ده لانه بيألمنا كل ما بنفكر فيه وممكن يكون حظك انت احسن من بتاع هندسة وتلاقى نفسك فى شغلانه كبيرة وهو مش لاقى شغل .........(الحمد لله)
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 1:56

بس لما الواحد يسمع كلمة بشمهندس وما يحسش بيها و كانها بتتقال لحد غيره يبقى حالته عاملة ازاى


لما يلاقى الناس كلها بقت بشمهندسين حتى السباك والسواق بقى بشمهندس لما الناس كلها تقلك

انت دخلت ايه ترد وتقول حاسبات الناس تقولك وده من ايه ايه اللى دهور حالك كده ده انت كنت شاطر


لما ولما ولما كتير لما تبقى الدولة مش معترفة بيك مهندس ولا عاملة لك قيمة ويقولوا عليها كلية قمة هى فين

القمة اللى بيقولوا عليها دى لو حد شايفها يشاور لى عليها احسن نظرى خلاص بقى على قدى
الرجوع الى أعلى الصفحة اذهب الى الأسفل
braveheart
عضو ملكــــــى
عضو ملكــــــى
avatar

انثى
عدد الرسائل : 935
العمر : 26
تاريخ التسجيل : 28/01/2009

مُساهمةموضوع: رد: مش مهم   الجمعة 27 مارس 2009 - 14:39

يا باشمهندس انت مغمقها اوي كده ليه انا عايزه اقللك على حاجه في حاجه اسمها نصيب ربنا مقدر ليك انك تدخل كلية حاسبات ولو كان ليك نصيب في هندسه كنت حتاخد نصيبك وتدخلها لكن يمكن ده في خير ليك انك مدخلتهاش مش يمكن انت لو كنت دخلتها مكنتش نجحت فيها انا اعرف ان في ناس كتير بيدخلوا لكن مابيمشوش فيها انت بتقول ان الهندسه بتجري في دمك ده كلام بدون تجربه انت مدخلتش الكليه عشان تقول كده انت بس بتقول كده عشان ده حلمك انت داخل علمي رياضه عشان هندسه حكمت عليها انها بتجري في دمك من المنطلق ده .

وبعدين انت لما تقول لحد انك دخلت حاسبات وميقدرش ميباش العيب فيك ولا في كليتك يباه العيب في اللي انت بتكلمه لانه مش فاهم الكليه ديه ماشيه ازاي ولا عارف اهميتها ولا عارف اي حاجه عنها بس بيحاول يحبطك بكلامه متحطش كلام الناس في دماغك انت عارف ان كلية حاسبات قبل كده كانت بتاخد مجموع اعلى من هندسه وده متهيالي يرفع من رصيدها بس الكليه بتاعتنا لسه متعرفتش لانها جديده وبعدين انت اكيد عارف ان مجال الشغل في الكليه بتاعتنا احسن من غيرها احنا مطلوبين يمكن اكتر من بتوع هندسه طبعا انا مش بقول عنهم حاجه ولا اقدر طبعا دول فوق راسي بس انابقول ان ده اللي بيحصل وبعدين انت بتخش الكليه عشان ايه عشان تتعلم وبعدين تشتغل عشان تقدر توفر لنفسك مستوى كويس تعيش فيه حتطلب ايه انت اكتر من كليه توفرلك الشغل بعد ماتتخرج على طول .

وبعدين مين قالك ان احنا مش بيتقال علينا باشمهندسين اللي عارف كليتنا كويس اكيد بيقول علينا باشمهندسين وبعدين احنا مش باشمهندسين احنا باشمبرمجي(هههههههههه)

بالنسبه لان الدوله مش معترفه بينا اوي اذا كان ده بيحصل دلوقتي حتشوف كمان كام سنه كليتنا ديه حتكون اهم كليه والكل حيقول يابخت اللي دخل حاسبات بس بص على الموضوع بصه مستقبليه شويه وبعدين همه بداو يعترفوا بينا وقريب ان شاء الله عقبال ما نتخرج تكون النقابه بتاعتنا اتنفذت وهيه اصلا فكرة النقابعه اتوافق عليها خلاص وبتتناقش في مجلس الشعب وانا متاكده ان شاء الله قريب حيبداو في تنفيذ الفكره

ماتزعلش نفسك اوي لانك دخلت حاسبات لانها بجد كليه قيمه جدا واذا مكنتش حاسس بقيميتها دلوقتي حتعرف قيمتها بعدين حب كليتك يا باشمهندس لانها تستاهل انها تتحب وكمان عشان نفسك عشان تقدر تمشي فيها.
ربنا يوفقك وان شاء الله تكون باشمبرمج كبير بعد ما تتخرج وتاخد مبالغ كبيره من شغلك ومرتبك يكون احسن من الدكتور والمهندس وكل اللي كانوا بحبطوك ويكرهوك في كليتك حيبئوا نفسك يدخلوا ابنائهم الكليه ديه وحتقول ان انا قلت بس اباه افتكرها .
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 15:21

انا مش معترض على ارادة الله ولكن انتوا عارفين ان اليوم فى مصر بسنة يعنى موت يا حمار على ما كل اللى حضرتك قولتيه يحصل نكون تحللنا فى القبور و احسن مثال على اللى انا بقوله مبنى الكلية اللى تم البدأ فيه
من سنين ويا عالم مين ها يعيش ويشوف المبنى ده حتى ولو مش هيدرس فيه بس كفاية بس اشوفه
ولو على عيالى انا هعلمهم صنعة احسن من كل ده احسن من حرقة دم الثانوية بدل ما الواد او البنت يجيله
انهيار عصبى او دماغه تلحس او ينتحر ما هو ده اللى الحكومة عايزاه مش كده ولا ايه؟
الرجوع الى أعلى الصفحة اذهب الى الأسفل
braveheart
عضو ملكــــــى
عضو ملكــــــى
avatar

انثى
عدد الرسائل : 935
العمر : 26
تاريخ التسجيل : 28/01/2009

مُساهمةموضوع: رد: مش مهم   الجمعة 27 مارس 2009 - 15:31

بص طبعا انا معرفش الحكومه عايزه ايه وبلاش نخبط احسن في الحجات ديه بدل ما المنتدى يتقفلناهههههه

وعايزه اقللك على حاجه لو انت علمت ابنائك حرفه اكيد بردوا مش زي ما يخدوا شهادة الثانويه ويدخلوا الكليه
وانا معاك ان يوم مصر بسنه بس حنعمل ايه غير ان احنا ننتظر ونحاول نمني نفسنا باحلام يمكن تتحقق بس انا حاسه ان موضوع النقابه ده مش حلم وحيتحقق قريب

ياريت نخلي عندنا امل اكتر من كده لحسن الحياه من غير امل حتؤدي الى هلاكناوخاصة في الظروف اللي احنا فيها الايام ديه والحال اللي الدنيا ماشيه بيه.
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 16:16

هل تعلم ان 99.99%من الشعب المصرى اما مصاب بالاكتئاب او اليأس
الرجوع الى أعلى الصفحة اذهب الى الأسفل
tarek_pop
عضو مبدع
عضو مبدع
avatar

ذكر
عدد الرسائل : 407
تاريخ التسجيل : 01/03/2009

مُساهمةموضوع: رد: مش مهم   الجمعة 27 مارس 2009 - 16:22

من اللي الحكومة بتعملو فيهم

و لا من ايه؟؟؟
الرجوع الى أعلى الصفحة اذهب الى الأسفل
braveheart
عضو ملكــــــى
عضو ملكــــــى
avatar

انثى
عدد الرسائل : 935
العمر : 26
تاريخ التسجيل : 28/01/2009

مُساهمةموضوع: رد: مش مهم   الجمعة 27 مارس 2009 - 16:35

انا شكه في صحة هذا الرقم لان انا اعرف ناس كتير الحمدلله معندهمش اكتئاب وبيمثلوا نسبه اكتر من الواحد من عشره في المايه اللي انت سايبهم

انت بتحسسني ان مصر كلها مرضى نفسيين

انا ممكن اقللك ان فعلا مش 99.9 بل 100 في الميه من الشعب المصري بيعانوا من مشاكل مفيش حد معندوش مشاكل بس ليها حل والناس موجوده عشان تساعد بعضها بلاش التشاؤم ده
الحياح حلوه بس نعرف نتعامل مع مشاكلها ونقدر نواجهاوكل حاجه تمشي ان شاء الله
الرجوع الى أعلى الصفحة اذهب الى الأسفل
lovely& lolo
Active Member
Active Member
avatar

انثى
عدد الرسائل : 118
العمر : 25
العمل/الترفيه : بحب الرسم
تاريخ التسجيل : 02/03/2009

مُساهمةموضوع: رد: مش مهم   الجمعة 27 مارس 2009 - 16:50

اية الاحباط اللى أنتوا فية دة على فكرة المفروض أننا نحمد ربنا على اننا دخلنا كلية زى اللى أحنا فيها
معايزة أقول حاجة أن مفيش حد بيا خد كل حاجة يعنى كان ممكن اى حد يدخل هندسة وميمشيش فيها
لان أمتحانات الثانوية العامة واللى حصل فيها دة مش مقياس صحيح الكلية مظلومة عشان فى نا س كتير مش
عارفة قيمتها ولو قلت لواحد جاهال أنك فى حاسبات يقولك اية حاسبات دى بس الكلام دة مش مهم المهم اللى انت مقتنع بالكلية
حب ماتعمل حتى تعمل ماتحب والمقولة دى لازم ناس كتييييير تاخد بيها
واللى مش عاجبة الكلية ممكن يحول منها عادى المسالة بسيطة على الا خر
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 17:23

الحاجة الوحيدة اللى مصبرانى ان كليتنا ليها علاقة بالكومبيوتر وان انا ما كنتش عايز ادخل هندسة عامة لا كنت

عايز ادخل هندسة منوف بس ما فرقتش كتير يمكن ربنا بيدخر لى الاحسن مش يمكن ده اكيد ان شاء الله


لو علمتم الغيب لاخترتم الواقع
الرجوع الى أعلى الصفحة اذهب الى الأسفل
braveheart
عضو ملكــــــى
عضو ملكــــــى
avatar

انثى
عدد الرسائل : 935
العمر : 26
تاريخ التسجيل : 28/01/2009

مُساهمةموضوع: رد: مش مهم   الجمعة 27 مارس 2009 - 19:26

ربنا يوفقك ان شاء الله يا باشمهندس في الكليه ديه ويوفقنا معاك
الرجوع الى أعلى الصفحة اذهب الى الأسفل
blue wolf
Starting Member
Starting Member
avatar

ذكر
عدد الرسائل : 32
العمر : 26
تاريخ التسجيل : 20/02/2009

مُساهمةموضوع: رد: مش مهم   الجمعة 27 مارس 2009 - 19:49

اولا بالنسبه لرد الباشمهندسة bosys
انا مش زنبي اني اتظلمت في الثانوية العامه , انا تعبت وكان لازم اخد حقي
اما بقي زمايلي اللي كانوا اعلي مني وملحقوش حتي حاسبات فدول ربنا يكون في عونهم , بجد انا مش عارف هم مستحملين حياتهم ازاي؟ انا لو مكانهم مش عارف كنت عملت ايه في نفسي
اما بالنسبه للناس اللي داخلين الكليه بمزاجهم فدي رغبتهم وانا احترمها انا كمان كان رغبتي ادخل هندسه لكن مقدرتش , فأنا مليش دعوة بيهم ومينفعش أقارن نفسي بيهم
وده مش معناه ان كليتنا قمه , كليات القمة 2 طب لعلمي العلوم , وهندسة لعلمي الرياضة وبس


أما بالنسبة لردود الباشمهندس king tiger فدي انا مقتنع بيها تماما

اما بالنسبه للباشمهندسة braveheart
ان الحاسبات كانت بتاخد اعلي من الهندسة فده ميفرحنيش لاني من الاول كنت بحلم بالهندسة فميفرقش معايا ان في كليه بتاخد اعلي منها , وبعدين انا بدخل الكلية عشان ادرس اللي انا بحبه حتي لو مش مطلوب المهم اني احس اني في المكان اللي بحبه وفضلت طول عمري احلم بيه
اما بالنسبة لحب الكلية فمقدرش اوعدك لان دي حاجة مش بايدي

وبعدين انتم بأي حق تتكلموا عن الامل ,
قولولي حاجة واحده بس تخلي عندي أمل , أو دافع واحد يخليني أحاول أنجح في الكلية دي
أمل؟!
ابقو سلمولي علي أمل
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 21:26

فعلا عندك حق والله يا بشمهندس بس كل واحد واهتماماته يعنى انا مثلا مهتم باكومبيوتر ف ما فرقتش معايا

كتير لكن فيه ناس كان نفسها تدخل مدنى او كهرباء او ميكانيكا او ....او ...الخ دول الله يكون فى عونهم
الرجوع الى أعلى الصفحة اذهب الى الأسفل
blue wolf
Starting Member
Starting Member
avatar

ذكر
عدد الرسائل : 32
العمر : 26
تاريخ التسجيل : 20/02/2009

مُساهمةموضوع: رد: مش مهم   الجمعة 27 مارس 2009 - 21:36

بالظبط كده يا باشمهندس هو ده قصدي
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 22:09

بس برضه ده ما يمنعش ان الواحد يكون متأثر وحزين ولو شىء بسيط ولكنها مشيئة الله
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الجمعة 27 مارس 2009 - 22:35

ليه كل ده
الرجوع الى أعلى الصفحة اذهب الى الأسفل
tarek_pop
عضو مبدع
عضو مبدع
avatar

ذكر
عدد الرسائل : 407
تاريخ التسجيل : 01/03/2009

مُساهمةموضوع: رد: مش مهم   السبت 28 مارس 2009 - 7:13

علي فكرة اللي راحو السعودية و ليبيا و الكلام ده دول طلع عينهم اكتر من اللي في مصر


اي نعم هما جابو نسب عايلة بس تعالا بس للتنسيق بتاعهم

انا كنت جايب 99.8% مع المستوي الرفيع و مالحقتش هندسة


علشان جاي من السعودية ليه علشان الطب بياخد من 101.25 %
الهندسة 100.5%

و في واحد صاحبي جايب 99% ما لحقش غير تجارة انجليزي

يبقا مين اللي بيطلع عينهم في التنسيق و يتظلمو ؟؟؟؟؟؟؟
الرجوع الى أعلى الصفحة اذهب الى الأسفل
Rody
Excellent Member
Excellent Member
avatar

انثى
عدد الرسائل : 270
العمر : 26
الموقع : In a new world
العمل/الترفيه : eng movies& laughing but not now
المزاج : thanks allah 4 any thing
تاريخ التسجيل : 04/03/2009

مُساهمةموضوع: رد: مش مهم   الأحد 29 مارس 2009 - 23:27

التوبيك فو ق الهايل وبصراحه داخل دماغي بطريقه مش معقوله تقدرو تقولو كده اصله جايلي علي الوجيعه
انا كنت فاكره انا بس اللي بفكر ف الكلام ده طلع فيه ناس كمان معايا الحمد لله انكم قدرتم تعبرو عن اللي جوايا
والجماعه اللي بيتكلمو عن الامل دول فين الامل ده يا شباب وهيجي امتي ؟؟
انا كنت بموت نفسي ف اليوم الف مره قبل الامتحانات وبالرغم من كده ايه النتيجه !!
اخرتها الحاسبات قلت وماله احسن من غيرنا كتير والحمد لله اروح الكليه لا هي حاسه بينا ولا احنا حاسين بيها
والصدمه الكبيره اني بعد ما كنت اطلع الاوائل ف المدرسه ادخل اشيلي مادتين ف ام الكليه دي ويعالم الترم
التاني هيرسي علي ايه ؟؟؟ تخيلو يا جماعه الواحد هيبقي شكله ايه قدام نفسه حتي
وتقولولي حاسبات ومهندسين يا عم رووووووووووووح
ادي بلدنا واللي بتعمله فينا يلا بقا هنعمل ايه No options
والف شكر للبشمهندس اللي لعن الكليات كلها والثانويه كمان وانا معاه ف كل كلمه قالها وربنا هي دي الصراحه
كلكم معيشين بعض يبشمهندس يبشمهندس والله الواحد مالاقي نفسه اصلا ولا حاسس ان الكلمه ليه
يا ريت تشجوني بردودكم يبشمهندسييييييييييييييييييييييييييييييييييييييييييييييييييييييييييييييييييييييييين
ضايع يا رجاله
الرجوع الى أعلى الصفحة اذهب الى الأسفل
king tiger
Active Member
Active Member
avatar

ذكر
عدد الرسائل : 220
العمر : 26
العمل/الترفيه : هاكر مبتدىء
المزاج : cool
تاريخ التسجيل : 14/03/2009

مُساهمةموضوع: رد: مش مهم   الأربعاء 1 أبريل 2009 - 22:35

انا مش هقدر اقول اكتر من اللى قولته قبل كده لأن انا لو اتكلمت مافيش حد هيقدر يسدنى لأن انا مليان من الحكاية دى و مش قادر اتكلم
الرجوع الى أعلى الصفحة اذهب الى الأسفل
 
مش مهم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلـــع حــــاسبات :: ¨°o.O ( أقسام فرق الحاسبات ) O.o°" :: `~'¤!||!¤'~`(( منتدى الفرقة الأولى ))`~'¤!||!¤'~`-
انتقل الى: