قوم يا مصري قـوم يا مصري مصر أمك بتناديك قوم نجيب الحق ليها ولا ليك

قوم يا مصري قـوم يا مصري مصر أمك بتناديك قوم نجيب الحق ليها ولا ليك



دى بقى يا جماعه قصيدة لقتها فى منتدى مصرى وأعتبرت نفسى إستأذنت صاحبها علشان احطها هنا لأنها بجد قصيدة تحفه تحفه هى طويله شويتين علشان كده هحط نصها ولو عجبتكم نكمل النص التانى




قـوم يا مصري مصر أمك بتناديك

قوم نجيب الحق ليـها ولا ليك

قوم نجيب الحق للمستضعـفين اللي ذاقـــوا المر صافي من سنين

واللي نامــوا في الشوارع عريانين

واللي ماتوا في البواخر غرقانين

واللي جوا القطر ماتو محروقين

واللي لسه بالطوارئ محكومين

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *




قوم نخلي مصر أحلى من زمان قوم نرجع لأمنا المجد اللي كان

يوم بهرنا الدنيا والعالم وليد يوم فتحنا قلوبنا للفجر الجديد*

يوم رفضنا الظلم أيام العبيد*

يوم قاومنا الانجليز في بورسعيد

يوم عبرنا وانتصرنا في أحلى عيد

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *




والحكاية تبتدي من السبعينات لما مات ناصر وجه بعده السادات

جه وفك قيود ألوف من الاعتقال

جه يعيد البسمة لوجوه العيال

جه وخطط يوم عبورنا للقنال

جه وحرر أرضنا من الاحتلال

جه وأحيا في النفوس بعض الآمال

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *





حبه واتلموا عليه الأمريكان سرقوا فرحة مصر بالنصر اللي كان

سرقوا ثمرة كل سنوات الكفاح

أقنعوه ينسى الألم ينسى الجراح

أٌقنعوه ياخد الدولار ينسى اللي راح

أقنعوه يبني البلد يرمي السلاح

علموه معني سياسة الانبطاح

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *






أقنعوه بالخصخصة سر النجاح أقنعوه يمشي في طريق الانفتاح

انفتاح خرب ركائز الاقتصاد

انفتاح يخدم في صناع الفساد

انفتاح هرب فلوس برا البلاد

انفتاح يهدم قيم يفسد ولاد

انفتاح يقطع في أرزاق العباد

قوم يا مصري قـوم يا مصري مصر أمك بتناديك قوم نجيب الحق ليها ولا ليك





* * *




أقنعوه يعــمل سلام مع إسرائيل

والسلام في حد ذاته شيء جميل

بس لو كان العدو مش حرامي

ولا كان محتل أرضي ولا ناوي

ولا حبة اتلموا من فوق القهاوي

ولا نازل دبح فينا بالمطاوي

والقنابل والمدافع والكيماوي

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *




بس يا خسارة صاحبنا فجأة حط رموز بلدنا في السجون

والبطانة في النفاق أعطت دروس

فهموه إن شعبه من اللصوص

فهموه القوة في كتم النفوس

فهموه يشتم ويفرم أو يدوس

خلى حكمه لمصر في الآخر كابوس

قوم يا مصري قـوم يا مصري مصر أمك بتناديك قوم نجيب الحق ليها ولا ليك




* * *



وألف ألف شكرلصاحب هذه القصيدة اللى انا ما اعرفوش
لو عجبتكم يا جماعه قولولى نكملها علشان شكلى بعدها هروح فى كلبوش
هههههههههه

قصيده هااااايله جدااااا يا بشمهندس
ومنتظرين الجزء التانى ان شاء الله
ودائما للامام

تمااااااااااااااااااااااااام اوي

جاااااااااااااااااااااااااااامدا جداا


وده مكانه مش هناااااااااا ف الترفيه

ده مكااااانه ف منتدي الشعر



دي قصيده جااامده ومهمه اووووي

ياريت اسلام ينقلها ف المكان اللي تستحقه


شغااااااال يونيفرسال متخفش بسيطه

ثاااااااانك يوووو

اوك rody

معلم كبير كبير كبير

جيبت منين الحلاوة دى يمعلم

على فكرة يا باشا هو اللى كاتب مش انا

هههههههههههههههههه

desha كتب:

ولا انا عايز اسألك سؤال الرقبة بتاعتك طويلة

جاوب انت ؟

تسلم ايدك يا باش مهندس
حلوووووووووووووووه اوي بجد
وبالتوفيق

سوووووووووووووووووووري
غلطه مطبعيه معلش
شكرا يا بااااش مهندس
اسفه مره تانيه وهعدلها