اسأل وورط الي بعدك

مسائكم فرح وسرور

لعبة مشهورة جدا فى المنتديات وهي كل واحد يسأل سؤال للي بعده

اعتقد انها سهلة وواضحة مش محتاجة شرح اكتر


للي بعدي


اذكر عيب من عيوبك ؟

انا لوكان معايا مليون جنيه لوحدي
اولا هروح احج علشان ادي الفرض اللي عليا مهما كان صغر سني
ثانياهشتري مكتب صغير في منطقه حلوه واعمله شركه للكمبيوتر
ثالثا هجهز المكتب الشركه بتاعتي باحدث اجهزه
رابعا ابني جامع صغير او حتي زاويه لان المليون اكيد مش هيكفي ده كله
خامسا اشتري عربيه حلوه تتناسب مع الشركه
سؤالي للي بعدي
هل انت راضي عن حياتك واسلوبك في الحياه؟

احيانا نعم و احيانا لا....

تعمل ايه لو كنت عايز تخلي حد يحبك؟؟؟

بصراحة انت ورطني السؤال صعب مالوش اجابة عندي
اما سؤالي اية الغلط اللي انت عملتة وندمت علية في يوم ؟

بندم لو عملت حاجه تغضب ربنا ويارب ربنا يكون راضى عننا كلناااااااااااااااا ان شاء الله

اما سؤالى ايه اكتر امنيه اتمنتها ومتحققتش ؟

[quote]
كان نفسي ادخل كلية الطب بس طبعا كنت علمي علوم وبعدين حولت علمي رياضه وبعدين دخلت حاسبات

بالنسبه لسؤالي :

لو انت في موقف ويستدعي انك تكدب حتكدب ولا حتقول الصدق ويحصل اللي يحصل ؟

ولو انت قلت كلام مش حلو في حق حد وهوه مش موجود والكلام ده صحيح لو وصل له الكلام ده وجه قالك انت اللي قلت الكلام ده ولا لا حتقول اه ولا لا وخاصة انك لو قلت اه حيكون شكلك وحش جدا وكمان ممكن الشخص ده يكون ليه اصحاب يقدروا يعملولك حجات تضايقك وتضر بيك وبشكلك قدام الناس؟

بصي يابشمهندسة سؤال صعب
اولا الكذب لوش رجلين بس سعات الواحد بكذب غصب عنو علشان هوه عارف مثلا انو الي قداموا هيزعل منو فا علشان ميخسروش ممكن يكذب
وحكاية اني اتكلم على حد انا بحب لما اتكلم على حد اتكلم في وشوا في ف غيابوا لانها تعتب غيبة ونميمة صح ؟.

كلامك صح طبعا بس في بعض الحالات سعات الواحد في بعض حالاته بيكون مخنوف وممكن يقول كلام على حد بس غصب عنه بيقولوه وعلى فكره مشكلة الغيبه والنمبمه مشكله كبيره وغصب عن الواحد بنتكلم على غيرنا

اما بالنسبه للكذب فانا حاسه انه مينفعش نكدب لان زي ما انت قلت مالوش رجلين وحرام كمان

بس انت مرديتش بردوا على السوال التاني مش بفترض انك اللي بتعمله انا بقول يعني تتصرف ازاي

وكمان انت مقلتش السؤال اللي حيورط اللي بعدك

اه سوري يابشمهندسة انا نسيت

سؤالي هوه ( لو اتخنقت من حاجة اوي هتعمل فيها ايه ؟ )

لو اتخنقت من حاجه اووووووى هسيبهاا ومش هفكر فيها خالص لانها كل ماافتكرها هضايق

سؤالى انت شايف/ة انك وصلت لهدف من اهداف حياتك ولو اه ايه هى؟

اه حسه اني حققت جزء من هدفي وهي اني ادخل احدي كليات القمه قسم علمي
صحيح كنت عايزه هندسه بس حاسبات مش وحشه وهي كليه قمه
السؤال بتاعي هتعمل ايه لو جرحت حد اوي وفي نفس الوقت مينفعش نهائي انك تعتذرله؟

هندم اوي واتمنى ان اليوم ده ميكونش جه واحوال باي طريقة من اغير مازهق وكمان هوه لو صاحبك او حبيبك مش هقدر انساه طول حياتي حتى لو مقبلش عذري

يا باشمهندس خالد فين السؤال ؟

(ههههههههههههههههههههههه) كل مره كده تنسى السؤال

يالهوي معلش ياجماعة انا مش عارف بنسى على طول ليه بس الكلية دي ودت الواحد في داهيه
بصرااااااااااااااحة مش لاقي سؤال حد تاني يحط ياجماعة سوري

ولا يهمك يابشمهندس خالد نسال احنا تعمل اية لو انت اكتشفت ان صاحبك بيغير منك وكل شوية ينتقدك ومطلع القطط الفاطسة فيك ؟
تعمل اية لو صاحبك اللي انت ماتقدرش تعيش من غيرة جة في يوم واستغني عنك؟

اولا اللى يبيعك بيعه حتى لو كان اغلى انسان عندك لانه لادم باعك يبقى ما كنش يستهال حبك فى يوم من الايام

وبعدين لو صحبى بيقولى عليه كلام بيضيقنى هنبه اول مرة وبعد كده يبقى هو اللى جابه لنفسه (وهزار بهزار بقى)


اما سوالى

لو ولد جالك فى يوم و قاللك انه بيحبك ودى او مرة تشوفيه فيها

رد فعك هيكون ايه؟

ولو شوفتيه فى يوم هتقولى ايه فى ضميرك؟

;

ماشى الاجابة هيه

الو كانت مش محترمة وشايفة نفسها اوى اكيد انتقدها

2-البنات المتكبرين اللى عملين فيها .......... وحركات كده

دول اكتر ناس انتقدهم

اما سوالى فهو مرتبط بالسوال الاول

طيب لو الشاب ده انتى حستى انه بيحبك اوى وممكن يعمل اى حاجة

علشانك هتقوليه ايه؟

اوك اسأل انا بدالك يا باشمهندس
السوال
لو انت فضلت طول عمرك تحلم بحاجه وجت الحاجه دي ضاعت منك عشان سبب صغير جدا جدا
تعمل ايه؟

بس ده كان حلمى:
(يعنى انا كنت بحلم بكلية هندسة ودخلتها لكن لظروف سبتها )وكنت هاموت بسب ده

بس عرفت ليه ربنا عمل معايه كده ورحت اوى انى سبتها


خلاصة الكلام ده كله

متزعلش عليها لان ربنا عمل كده لحاجة هو بس اللى عارفها


اما سوالى ليك

نفرض مثالا

انك حبت بنت اما شوفتها اول مرة وانت حبتها من غير ا تتكلم معها ؟

اول لقاء بنكم هتعمل معها ايه؟!!!!!!!!!!!!!!!!!!111111111111

لا انا مش مثلا
انا فعلا
انا فعلا اتحطيت في الموقف ده
واحده شوفتها وأعجبت بيها جدا من أول نظره وفضلت كتير ساكت لحد ما قررت في يوم اني اكلمها
اتحججت وطلبت منها كشكول معين مع اني مكنتش محتاجه اصلا وهي وافقت وقالتلي اوك هجيبهولك بكرة
وجه بكرة وبطلب منها الكشكول قالتلي سوري مش هقدر اديلك الكشكول لاني محتاجاه
طبعا انا لما كلمتها اول مرة مكنتش قادر أتلم علي اعصابي والكلام مكنش راضي يخرج مني
لكن للاسف مكانتش الانسانه المناسبه

والله اللى حصلك ده حصلى بالظبط بس فيه شويه اختلاف

لانها اتتدنى كل حاجة طلبتها منها بس مكنتدش قادر اكلمها

واول يوم اكلمها فيه قلت فيه ممكن اعرف اسمك

بس

ومشيت بعد كدهمن غير كلام لدرجة ان احتقرت نفسى بسبب الموقف ده

بس الحمد لله طلعت الانسانه المناسبة ليه وبحمد ربنا عليها

ام سوالى

لو اصحاب جرحوك جرح كبير اوى؟!!!!!!!!!!!!!!!!!!!!!!!!!!

ايه رد فعلك هيكون ايه؟

ممكن اقولك اني هابعد لان من باعك بيعة لكن هبقي من جواية زعلاااااااااااااااااااااااااانة جدا وهكرة الدنيا لان ببساطة الدنيا من غير صحاب ما تتعش اما سؤالي هو
هل لو قعدت مع نفسك بتلاقي ان شخصيتك عاجباك ولا بتحس انك هايف ؟

ماشى

انا اما اقعد مع نفسى ساعدت بحس انى هايف

وساعت بتمنى انى اموت

هعمرك شوفت حد يبتمنى الموت

انا

واذا حد ماتى قدامى مش بحس بحاجة ابدا

بس بحس انه فى يوم من الايام هكون انسان له شان عظيم

وده باذن الله طبعا

وسوالى للكى هو نفس سواللك ؟

بس ياريت تردى