مواجهة ساخنه بين الشباب والبنات

فكرة هذا الحوار الساخن

هي عبارة عن حوار مثير بين فريقين


فريق الشباب ... فريق البنات


هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيدا عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق البنات بطرح تساؤل عن أمر معين لا يعجبهم في الشباب

وسيقوم فريق الشباب بالرد وتبرير الموقف


وبعد إعطاء الإجابات والمبررات الكافية يصبح فريق الشباب في وضع الهجوم
ويطرح سؤال على فريق البنات.....وهكذا يستمر الحوار


[ملاحظة]

يحق للجميع المشاركه وابداء الرأي

وأرجوا أن نكون مع الحق دائما بعيدا عن الإنتماء و التحيز


(( صافرة البداية )) ..>>>

سؤال من فريق البنات لفريق الشباب

ليه الشباب كلهم مش بيفكروا غير في التفاهات والاغاني وبس
ولو قولت لواحد فيهم فكر وخلي عندك رؤيه وراي يقول ياعم كبر
ليه؟؟؟؟؟؟؟؟؟
وطبعا مش كلهم احنا بنتكلم عن الاغلبيه الي منتشره في كل المجتماعات العربيه

فريق الولاد يجاوب :
بصى اولا اغلب الولاد بيحولو يكبرو دماغهم عشان يعرفو يعيشو فى الظروف القاسيه دى
يعنى بيحولو يعيشو اللحظه على رأى فودافون
هيا حاجه وحشه طبعا عشان المفروض يواجهو مشاكلهم بنفسهم
بس اعتقد ان الغلط فى التربيه
عشان المفروض فى الفتره دى الابهات تعاملهم على انهم كبرو ويغيرو كتيير من اللى
كانو بيعملوه وهما صغيريين
ودا بيسبب مشاكل للولاد فى الحياه والكثير مش المشاكل فى البيت
اما فى الكليه فا اغلب الولاد مش بيحبو المذاكره اساسا على عكس البنات الفحيته طبعا
عشان كدا بيشغلو دماغهم بحجات تافهه عشان مش يخنقو نفسهم

يارب اكون جاوبت صح على ما فهمت السؤال يعنى


سؤال فريق الولاد بقى :

ليييه اغلب البنات تنكيين اوىىى وبيحبو يرسمو نفسهم
والواحده منهم بتفتكر نفسها حاجه لو حد بصلها
مع انها ممكن تكون بصه احتكار ؟

اغلب البنات فعلا زي ما بتقول لما تحس ان في حد بيجري وراها ونفسه يكلمها
فتطنش شويه وتتقل عليه عشان يحبها اكتر
لكن الي بيرسموا نفسهم وتنكين زياده عن اللزوم يبقا عندهم شعور بالنقص
فبيحولوا يعوضوه بالغرور والبرستيج الفاضي والمظاهر الكدابه
وممكن انتوا بتحسوا انهم كده لكن في الحقيقه
في بنات في حالهم مش بيكلموا اي حد لا بنات ولا ولاد
ومش بيحبوا يحتكوا بحد فالناس بتاخد عنهم فكره انهم مغرورين عشان مش بيكلموا حد

والي بيفتكروا نفسهم حاجه لما حد يبصلهم بتحس انها حلوه وكويسه عشان كده بيبصولها
حتى لو نظرة احتقار المهم انها تلفت الانتباه بس
وفي راي برضو ان دول نوعيه ممريضه عندهم شعور بالنقص برضو عشان كده
بلفتوا انتباه الي حوليهم باي طريقه

خلااااااااااااااااااااااااااااااص خلصت

السؤال لفريق الولاد

هل يكتفي الرجل بامرأه واحده طول حياته؟؟؟؟؟
وليه؟؟؟؟؟

اسمحي لي حضرتك ...

الاجابه:

حضرتك ده على حسب الزوجه اصدي نوعنا ما الجنسيه بس مش شرط دائما يعني مثلا الخليجيين عادة لما بيجوزو من الجنسية بتاعتهم تلاقيه بعد كام سنه متجوز واحده تانيه و بعديها تالته و هكذا....
لكن في واحد من الشيوخ و علماء الدين كان بيقول من لم يتزوج بمصريه فهو غير محصن....
لكن لازم تكون واحده بنت ناس و كمان يختبرها كويس و ان يعرف انها بتحبو و بتخاف عليه.....
و فعلا في بعض الخليجيين ممكن لكن مش دائما....ممكن يتجوز واحده من مصر و بعدها ميتجوزش عليها ابد فعلا....
سؤالنا

ليه الشابات في بعض الاحيان لما يعرفو ان في شاب مثلا بيحبها تطلع عينو و تجرجرو و تجريه حولين نفسو لدرجة انو ينساها خالص و ده نوعا ما ممكن يخليه يركز في حياته اكتر و هل ده ممكن فعلا؟؟؟؟

لا انا اختلف مع حضرتك برضو
وزي ما قولت ده بيختلف من واحده لوحده
في نوعيه من البنات لما تعرف ان حد بيحبها بتحافظ عليه جدا وبتغير عليه اوي لدرجه ممكن تخنق الراجل
بس كل ده من حبها الزياده ليه عشان كده ممكن تجرحه من غير ما تحس
بس مع ذلك بتعمل كل الي تقدر عليه عشات تحافظ على الحب ده

وفي نوعيه تانيه بتتقل على الراجل وتجريه حولين نفسه زي ما قوبت لانها بتفتكر انه كده مش ممكن يسبها
وان هي بالنسباله حاجه صعبه نفسه يمتلكها عشان كده بتفضل تتقل عليه لحد ما يطفش
وده غلط طبعا
بس كل واحد بيتصرف على حسب تفكيره

السؤااااااااااااااااااااااااااااااااااااال:::::
ليه الشباب بيعتبروا ان التدخين والشيشه وانه يكلم بنات كتير والحاجات دي كلها انها من سمات الرجوله
وانه كده محدش زيه والبنات هتجري وراه رغم انهم كده هيقل في نظر اي واحده

لا على فكره مش كلهم برضو
اقولك على حاجه
خودينى مثال مثلا
انا نش بدخن خالص
ممكن شيشه زمان بس من ساعت اما ... بطلتها عشان خاطرها
هيا اه الحجات دى عند اغلب الولاد بتبقى مهمه فى السن دا
بس دى مش بتتاخد انها رجوله مثلا او لا
ممممممم
مش عارف اوضحها ازاى
بس هوا الحكايه دى بتبقى على حسب البيأه اللى متربى فيها
وعلى حسب صحابه وعلى حسب تربيته وشخصيته
اغلبيت الولاد بيطلعو يلاقو كل صحابهم بيدخنوا وبيعملو كذا وكذا
فا يقول اشمعنا انا هوا احسن منى فى ايه
طيب مانا كمان بعرف اعمل كذا وكذا بس
فهوا على حسب البيئه زى ما قلتلك

وبالنسبه لموضوع البنات دا بيختلف
فى ناس كتير متعرفش ان البنات مش بتحب التدخين
وفى بنات فعلا بتحب الصبيان اللى بيدخنو
فهيا بتبقى حجات ربانيه
الطيبون للطيبات والخبيسون للخبيسات


نفسى اعرف البنات بتجيب مجاميع عليا ازاى ؟
هل فعلا بيدوخو الولاد طول النهار ويذكرو طول الليل
والولاد بيدوخو طول النهار ويريحو من الدوخه طول الليل ؟؟؟

عشان البنات معظمهم قاعدين في البيت
يعني مش بيخرجوا كتير زي الاولاد
يعني الاولاد دايما بره صبح وليل
لكن البنت لا عشان كده بيبقا عندهم وقت اكتر انهم يدرسوا
وكمان البنات بيكتبوا كل حاجه ورا الدكتور او المدرس وعندهم هدف وقدره على التركيز
والتنظيم والاستفاده من الوقت والصبر كمان
لكن الولاد عايزين يلخصوا الدنيا في كلمتين واقلب وخلص نفسك
مش عنده صبر خالص


السؤاااااااااااااااااااااااااااااااال؟؟
ليه الولاد بيغيروا من البنات
في حكاية الدراسه والمجاميع دي؟؟؟؟؟؟؟؟؟؟؟؟؟؟ظ

ههههههههههههههههههههههههههه
هيا فعلا دى حقيقه
بس مش عارف ليييه
اعتقد يعنى انه عشان البنات خبس شويتيين
مش كلهم طبعا وفى بنات كويسيين جداا وبيحسو الواحد على المذاكره
وفى بنات تانيه بقى تكلم الولد ومش عارف ايه وتقوله انها مش بتذاكر وبتفكر فيه
طول الليل وهيا شغالا دح ولا معبراه اساسا
والواد هوا اللى يلبس فيها ويفضل يفكر طول الليل هيعمل ايه بكرا وهيلبس ايه ويقولها ايه
هوا يسرح وينااام وهيا تذاكر وتنام
وتصحى الصبح مظبطا نفسها ميك اب وشغلى عالى
ولا اكنها قاعده تعمله من امبارح

يعنى المضموون ان دا اغلب اللى بيحصل
وان البنات اغلبها بتاعت مصالح
ومعرفت الولد عندهم هيا عشان المذاكره وبس
دى حاجه مش وحشه بس تبينله كدا
مش ترسم عليه الدور وتقولله بحبك عشان يذاكرلها

ليه البنات اغلبهم غداريين يوعدو بمييت وعد واول ما عريس كويس يجى خلاص
هوا دا وسيبك من الاولانى
والعذر : ماما وبابا غصبين عليا وش عارفه اعمل اييه وتنزل دمعتيين وهيا فى اشد الفرحه من جواها ؟

و مش غدر لكن البنت خصوصا في مجتماعنا ده لو عدت سن معين ولسه ما اتجوزتش محدش بيبصلها
والناس يقولوا يا عيني وحرام وده طبعا كله غلط وده كله نصيب ما يعرفوش انها بتحب ومستنيه الي بتحبه
لكن ما تقدرش تستنى كتير لانها بيبقا حواليها ضغوط من الاهل والناس حوليها والمجتمع
لكن الحب ده ما يجوزش ده في نظر بنات كتير والاغلبيه كده فعلا
لكن انا من الناس الي هستنى الي بحبه وهتحدى اي حد عشان افضل معاه

يا رب اكون قدرت اوضح الصوره على قد ما قدرت

((((( سؤال لفريق الشباب )))))
ليه حلم كل شاب انه يسافر بره سواء للخليج او الدول الاوروبيه مع انه يقدر يعمل الي بيتمناه في بلده
لو عنده اراده وفي ناس كتير كده فعلا ويرجعوا يقولوا مصر مش هتتصلح
هتتصلح ازاي وشبابها الي هم الاساس مش موجودين؟؟؟؟؟؟؟؟؟؟؟؟؟؟؟

اعتقد ان دا سؤال مش محتاج رد
مصر مفيهاش اى فرصه عمل واحده
ولو فيها هتتقسم ازاى على 20 مليون واحد ولا 30 !!!!!
الواحد بيتخرج من هندسه بيشتغل زبال
واللى بيتخرج من اداب بياخد كورس ويشتغل فى ميكروسوفت
حاجه اخر بطييييخ
دا غير اللى بيشتغل فى الحكومه
بيقبض 600 جنيه دا لو مكنوش 300 او 150
دول ميأكلوش عيش حاف لييه لوحده مش لأسره
برا حاجه تانيه خالص
الشغل برا كتيير والدخل وفييير يقدر يكون نفسه
بس دا اللى اقدر اقوله


هل الحجاب اللى البنات بتلبسه دا بيضايقهم
وخصوصا فى الحر دا
انا مش قادر اتخيل هما ازاى بيستحملووووو ؟!!!!!!!!!!!!!

انا من رايى واللى انا شيفاه ان الحجاب مابيديقش البنت غير نادرااااااااااااااااااا جدا
بالعكس دة بيحليها كمان
دة غير انه كمان فريضة علينا
وبعدين دة مريح كدة وموفر وخصوصا للبنت اللى شعرها مش كويس لسمح الله بدل متعقد تكويه كل شويه ومره تستشورة هم ما يتلم
دة انا كمان بحس ان المحجبين فى فرحهم احلى من اللى بشعرهم
اما بالنسبه لموضوع الحر فهى مسالة تعوض
ومحدش يزعل من رايى
فالاراء تختلف
سؤال للشباب
ليه الشباب بيعتبروا ان من حقهم انهم يكلموا كذا بنت عادىى جدا بس لما يعرفوا ان اختهم بتكلم يضيقوا جداااااا ويمنعوها

بصراحة مش هاقدر انكر ان ده بيحصل بس

الكلام ده فى ايه بالظبط

لو كلام فى حدود الادب مفيش اى مااااااااااااااااااااااااااااااااااااااااااااااااااااااااااااااااااانع

لو هم زمايل وبيتكلموا فى الدراسة والمذاكرة عاااااااااااااااااااااادى

والكلام ده طبعا فى حدود الادب والاحترام

ده رائى
ومحدش يزعل منه

سوالى للبنات

هل البنات بيغيروا من بعض؟!!!!!!!!!!!!!!!!!!!!!!!!!!!!!!!!!!!

انا رايى ان البنات كلهم مش زى بعض فى الحلو والوحش
وفى اللى بيغير وفى اللى ما بيغرش
بس ساعات بتبقى فى غيرة حلوة
زى ان واحدة بتذاكر وعايزة ابقى زيها
يعنى نظام تشجيع
انما ان احنا نحقد من بعض فدى اكيد حاجة وحشة جدا


دة رايى واكيد الكل موافقنى فى ولا ايههههههههههههه
سؤالى للصبيان


معظم الصبيان حريقة سجاير مع انهم متاكدين ان دة مضر بصحتهم فلى كدة يعنى؟؟.