الحلم الحاسباتي

حاسبات علي حاسبات كاتمه علي حلمنا
حكمه وقلوها زمان دي فقر دي عكننا
لازم اسيبها انا وامشي لتجارة او لاداب
بدل اما ادبلر فيها سنه او سنتين قدام
دا حلمنا طول عمرنا ينفلنا ربنا من حاسبات لهندسة
اول ماشفتها عنيا قلت دي كلية تمام عدي شهرين وشويه
بوزنا مترين قدام
بنتعامل فيها معاملة معاملة زفتين وهباب
من وائل ونبيل واسامة ونهي وايمان ودعاء
ده حلمنا طول عمرنا ينقلنا ربنا من حاسبات لهندسة

حلوووووووووووو اوى بجد يابشمهندس التوبيك ده

اقتباس :

لازم اسيبها انا وامشي لتجارة او لاداب
بدل اما ادبلر فيها سنه او سنتين قدام
دا حلمنا طول عمرنا ينفلنا ربنا من حاسبات لهندسة
اول ماشفتها عنيا قلت دي كلية تمام عدي شهرين وشويه
بوزنا مترين قدام

عندك حق والله يابشمهندس

حلو طريقة الشعر باين عليك بتعرف تكتب شعر كويس فعلا
بس على فكرة حاسبات مش وحشة اوي كده
وبلاش نتكلم عن الدكاترة لان من رايي مفيش زي دكتور اسامة

علي فكرة انا بحب الدكتور اسامة جدا وبعدين دي مجرد فكاهة

انا عارف انه كان مجرد هزار انا كنت بقول ان دكتور اسامة احسن واحد فيهم وانا اسف لو كنت تضايقت

لا ابدا مش مضايق وكون انك تقولي بتكتب شعر كويس دي حاجه اعتز بيها

انا بقول ان فعلا شعرك جيد .

بس انا بفضل ما تحاولوش تجيبوا سيرة الدكاتره ولا تقولوا مين احسن او مين اوحش


الاحسن..............................
الاوحش.............................

طبعا انتوا فاهمين اقصدي

لحسن كده احنا ممكن يحصلنا حجات مش كويسه ويا رب ماحدش من الدكاتره يدخل الموقع ده

بس عامة ماتحاولوش تكتبوا كلام ممكن يضركم في الاخر.

لان ممكن بسهوله جدا الدكاتره يعرفوا عن الموقع ده ويدخلوا واحنا عايزينه يباه موقع نفتحر بيه مش خايفين حد من الدكاتره يدخله.

يارب تكونوا فهمتوا وجهة نظري ويا رب مكنش ضايقتكم بكلامي.


B.H

ميرسي علي النصيحة وكلامك صح 100%

انا لم اقصد ان اضايق احد بكلامي .


بس انا حبيت الفت نظركم للنقطه اللي انا اتكلمت فيها من قبل وان الدكاتره عندنا نفوذهم عالي ويقدروا يعملوا اي حاجه ومحدش يقدر يقللهم ليه او ازاي .


وانا فعلا اسفه جدا اذا كنت ضايقت حد بردي بس فعلا انا حبيت انصح ليس الا.

ان شاء الله لما الحاسبات تضرب بالصواريخ

طبعا انا بهذر بعد الشر علينا ان شاء الله قريب اوي هنزل الضمير الحاسباتي

الموضوع جامد جدا يا باشمهندس وبجد شعرك جميل اوى اوى
بس انا مش معاكم فى خوفكم من ذكر الدكتره لانى بجد بحب اقول لكل واحد رايى فيه بصراحه وان كان لهم نفوذ فاحنا مش فى حرب ده مجرد راى ولازم الكل يحترمه وانا معاك فى انهم خنقنا يا باشمهندس اسلام
واختلاف الاراء لايفسد للود قضيه

هما لو مضايقنا فلازم نحترمهم برده
لاننا فعلا بنستفاد منهم

احنا مقولناش حاجه يا باشمهندس احنا بنحترمهم ووجهة نظرنا فيهم مش معناها اننا مش بنحترمهم ولا ايه

حلوة أوى الشعر دة وعلى فكرة الكلية مش وحشة
مع أنى كنت مش حباها فى الاول
بس بعد كدة حبتها وعرفت قيمتها

يا جماعه المنتدي ده بتاعنا احنا والمفروض نكون في بحريتنا هم الدكاتره هيكتمو علي نفسنا هنا وفي الكليه كمان احنا بحريتنااااااااااااااااااااااااااااا