مهم ومفيد جدا

السلام عليكم
احب امسى على كل اللى على المنتدى
انا جاتلى فكره كويسه ومفيده بردو لينا كلنا
الفكرة هيه ان كل واحد فينا ينزل المحاضرات اللى كتبها وراء الدكتور اثناء المحاضره فى كل المواد بحيث نجمع كل اللى كتبناه ونطلع منه بملخص للى اتقال فى المحاضرة بس يا ريت يكون الموضوع ده اول بأول .وبكده هنستفيد كلنا من بعض وبدون حرج.
يا ريت اسمع رأي كل واحد منكم فى الفكره.
وليكم جزيل الشكر ازا تعاونتم معايا فى الموضوع ده.

الفكرة حلوة جدا بس المشكلة اني مش موجود دلوقتي في مصر ومش عارف ايه اللي انتم بتاخدوه فبالطريقة دي تكونو ساعدتوني اني اعرف الحجات اللي بتتاخد في الكلية

و لو في اي طريقة ممكن اساعدكم بيها انا مستعد

السلام عليكم
شكرا يا جماعة على المرور وعلى اهتمامكم بالموضوع
واحب اخص شكرى للبشمهندسfort_minor بس انا بطلب منه انه ينزل كل المحاضرات اللى كتبها فى كل المواد اول بأول وانا كمان هحاول انزل كل المحاضرات اللى كتبتها بأزن الله .
بس انا بطلب من كل اللى ما قالشى رأيه يا ريت يقوله يمكن نلاقى حل افضل من الفكره اللى طرحتها.
وارجو منكم ان كلكم تتعاونوا لان الافاده هتعم علينا كلنا

طبعا فكرة هايلة واتكلمنا فيها قبل كده في المنتدي ومحدش عمل حاجه
فياريت لو حضرتك تبداي تبقي حركتينا خطوة لقدام
وبرافو علي الفكرة

فكرة جامدة يابشمهندسة
وانا واسلام اصلا كنا ناويين على كده من الاول بس المشكلة مكناش لاقين الدعم الي يساعدنا واعتقد دلوقتي انك تقدري تدعميني فا ده هيخلينا اقوى ونجتهد علشان نحط المنتدى بتاعنا في الصورة الي احنا عاوزينها ويكون كمان وسيلة نجاح ووسيلة مساعدة لكل طالب وكمان بفكر نعمل قسم للشرح بس ده مش اكيد فا انا هحط الفكرة دي في موضوع علشان اشوف ارأء البشمهندسين

.جميل اوى الكلام دة يابشمهندسة بس اللى احلى من الكلام هو الفعل

يعنى مايكونش كلام وبس

ياجماعة بليز اللي موافق علي اللي انا قلتة ان احنا نقسم المواد بليز يرد عليا علشان بجد نبدا نقسم المواد

انا موافقه وانا وباشمهندسه فور ايفر فعلا بتنفيذ كده بس لسه منزلناش الحاجه اللي جهزت

السلام عليكم
انا بهنى البشمهندسين على فكرة تقسيم المواد علينا
بس انا عن نفسى مش موافقة عليها لان فيه طلبة بتعرف تكتب وراء الدكتور بس فى مواد معينة وفيه مواد مش بتعرف تكتب وراء الدكتور حاجه ولو طبقنا فكرة التقسيم دى ممكن بكده نقيده بمواد ممكن يكون ما بيعرفشى يكتب فيها وراء الدكتور والسبب التانى للرفض وهو الاهم اننا كده ممكن نخسر بعض الطلبة اللى ممكن يضيفوا ملحوظات مهمه مثلا فى ماده معينه بس مش هيقدر ينزلها لانه مكلف بمواد تانيه غير الماده اللى بيكتب فيها كويس وانا شايفه اننا نتركها مفتوحه كل اللى كتب حاجه فى المحاضرة ينزلها ويكون الباب اودمنا مفتوح امام كل المواد.
لو فيه اعتراض على كلامى من احدكم يا ريت يقولى عليه

فكرة حلوة بس متعبة
انا عن نفسي ممكن استفيد منها
لكن مقدرش اوعدكم اني اشترك فيها لاني اصلا مش بكتب كل حاجة بتتقال في المحاضرة
فاللي ممكن يقوم بالخدمة دي علي اعلي مستوي هم البنات لانهم ماشاء الله مبيفوتوش حاجة من المحاضرة
ده حتي لو الدكتور كح في وسط المحاضرة بيكتبوها
وبعدين احنا مش فاضيين للكلام ده
احنا ورانا نت ولعب ولف في الشوارع وكمان كلية يعني كتر ألف خيرنا ان احنا مستحملين وعايشين