اسئله طريفه جدا ولكن من غير اجابه

كل واحد يشغل الجمجمه ويلاقى اجابه على الاسئله دى


§ الكهرباء لما بتتقطع بتروح فين؟!

§ لو فيه شجرة وقعت على الارض فى الغابه، هل بقية الشجر هيضحكوا عليها؟

§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!

§ لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟

§ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!


§ طيب لو كان الحب اعمى ..ليه واكلين دماغنا بالحب من اول نظرة؟


§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

§ الأخرس بيكلم نفسه إزاى؟


§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

§ معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!




§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!


§ ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!



§ ليه الناس مابتقولش (الرياضة فايز ومهزوم) غير لمّا تتغلب؟

§ ليه الشامبو بيبقى أو الراديو.. أول ما يدخل شارع ضلمة يروح موطى الصوت فوراً؟!

§ ازاىبالخوخ الطبيعى بينما عصير الخوخ بيبقى معمول بنكهة الخوخ؟


§ ليه اللي سايق عربية ومشغل الكاسيت تقدر تعرف المسند بتاع كرسيك فى السينما؟

§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

§ ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!

§ ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
§ لو كانت الأرض كرة – زى ما بيقولوا – طيب الماتش هيبدأ إمتى؟!

§ ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".

§ إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!

§ ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!
§ لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟

§ لمّا الواحد بيعلّى صوت الكاسيت، هل ده بيسحب كهرباء أكتر؟

§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟

§ هل الحيوانات بتعطس؟
ولما تعطس بتقول الحمد لله؟

بخليني قاعد هروح فين يعني يا اما باخرج اتمشا

اكيد

ما اعرفش

علشان هيا دي سياسة المطاعم

لانه بيخلي الاناس مش شايف غير حبيبه قدامه

علمي علمك

ولا يوم

زي الناس

لان الطفل وهويا نايم ما يبحسش باللي حوليه زي اللي نايم نوم عميق

لا يبقا اهبل

لانه بيغلب الزمالك علي طول

لان الاقصر مشهورة بالاثار

علشان بيحسو بكدا بعد ما يتغلبو

السؤال مش واضح

السؤال مش واضح

عادي لان المهندس احسن من الدكتور

علشان تعرف ان محجدش مات في مصر ههههه

عباطة

علشان رصيدك يخلص

بكرا ههههههههههه

غباء

بتمثل

لانه هيا دي الحكومة المصرية

لان في تفسير علمي للكلام ده بس طويييييييييييييييييييييل

ما اظنش

بيركز فى المهمة اللى طالع علشانها

غالبا كدا والله اعلم


انا كنت حاولت اجاوب علي كل حاجه

المفروض ان الاسئله ديه مالهاش اجابه بس شاطر عرفت تخترعلها اجابات تاخد 10 من 10 وتكسب معانا قلم رصاص وعشر كروت شحن موبينيل الواحد بربع جنيه .

ههههههههههههههههههههههههههه . طبعا كنت بهزر والمهم ان الاسئله عجبتك

لا انا مليش دعوة انا عايز القلم الرصاص والعشر كروت مش هتدحكو عليا

هههههههههههه

انا حبيت بس اجاوب علي الاسئلة لاني شفتها سهلة

ميرسي على الرد وان شاء الله حتلاقي القلم الرصاص وكروت الشحن في المكتبه اللي موجوده تاني شارع شمال جنب البنزينه (ههههههههههههه)

شكرا على الرد

حلوة الاسئلة بس الرد صراحة احلي وعلي العموم مبروووووووووووووووووووووووووووووووووك الجايزة يابشمهندس طارق وتنك وراها لاحسن البشمهندسة تاكلها عليك مرة تانية الف مبرووووووووووووووووووووووووووووووووووووووووك وعقبال البكاري

انا مش هيندحك عليا فين الجوايز
انا رحت عند المكتبة اللي انتي قلتي عليه و لقته متشمعة و مش هتفتح تاني انا مليش دعوة عاوز القلم الرصاص و كروت الشحن

ههههههههههههههههههه

على فكره المكتبه و البنزينه ديه في مصر مش في السعوديه رحتها ازاي باه وانت لسه هناك اكيد انت اخدت العنوان غلط اباه ركز المره اللي جايه احنا مابنكلش جوايز على حد .

وطبعا شكل عنوان البنزينه يتوه ولذلك ربنا يعوض عليك في الجوايز لانك مش عارف تلاقي البنزينه ولو لقيتها اكيد حتلاقي المكتبه والقلم الرصاص وكروت الشحن.

(هههههههههههههههههههههههه)

ميرسي يا جماعه على ردودكم الحلوه والحمد لله ان الاسئله عجبتكم

انا بعت واحد دور علي المكتبات اللي جنب البنزينات اللي في مصر كلها هوا واصحابه ولقوها متشمعة وانا قلت ادور عندي انا كمان ممكن القيها جت السعودية بالغلط ولا حاجة بس بردو مش لاقيها


هههههههههههههههه

خلاص بقا مش مشكلة هاخد الجايزة بتاعة المسابقة الجاية وخلاص

ميرسي يا باشمهندس على الرد