حب ما تفعل حتي تفعل ما تحب !

حب ما تفعل حتي تفعل ما تحب
كلمة قالهالي كتير من الناس ومع ذلك مش مقتنع بيها
لو الانسان بيعمل حاجة وهو مغصوب عليها ازاي هيحبها؟!
اكيد بتسألوا دلوقت ليه المقدمة الطويلة دي؟
الاجابة
انا مبحبش الكلية دي ومع ذلك مفيش في ايدي حاجة اعملها ومش عارف ايه الحل؟
حاولت كتير أحبها وأذاكر لها عشان أحبها لكن مفيش فايده
حاسس ان ده مش مكاني لكن هعمل ايه؟
مهما عملت مش هقدر أغير حاجه من الواقع

فعلا يابشمهندس الكلام اللي حضرتك قلته صح
انا كمان مش بحب الكليه ولا دراستها لانها بعيده كتير عن اتجهاتي
انا كنت بذاكر واتعب علشان ادخل هندسة منوف قسم اتصالات لكن ايه الفايده حلمي ضاع علشان
نصف درجه سواء حبيت الكليه اومحبتهاش بقت واقع مفروض عليا
والحمد لله اهو بردك مبعدتش عن لقب مهندسه

ااولا متشكر جدا علي الاهتمام والرد
ثانيا بلاش كلمة حضرتك دي علشان محسساني اني حاجة كبيرة قوي
وبعدين احنا زمايل في كلية واحدة فمش محتاجه يعني تقوليلي حضرتك
وعلي فكرة انتي حصلتلك نفس مأساتي
انا كمان نزلت من الهندسة علشان نص درجة 2. في المية
ساعات كتير بسأل نفسي انا ليه مقدمتش اي تظلمات او عملت اي حاجة
بس للأسف مش لاقي اجابة مقنعة أقولها لنفسي
أما بالنسبة للقب باشمهندس فأنا كل ما حد يقولهولي افرح في الاول لكن بعد كده بفتكر كل اللي حصلي وبتحسر علي نفسي
...................................وتمر الأيام
يوم صابر وراضي باللي ربنا كاتبهولي
ويوم مخنوق وكاره نفسي وكاره الناس والدنيا
لكن هعمل ايه؟
ما باليد حيله

على فكرة انا مش معاك في الرأى دة
أنا كمان مكنتش حابة الكلية فى الاول لانة ماكنش أتجاهى
أنا كنت عايزة أدخل هندسة شبين وعملت تظلم بس مااخدش حاجة

بس حبيت الكلية لما دخلتهامع ان موادها تقيلة بس فى الاخر هيبقى اسمك مهندس برمجيات

هو فين الاخر ده
المشكلة ان المتاهة اللي احنا فيها دي مش باين لها اخر
ربنا يهونها ويخرجنا منها علي خير

والله انا بحيك يا بشمهندس على التوبيك ده لان ده حال اغلب الدفعه عندنا عاوزين هندسه وفرقت معاهم على 0.2على هندسه انا عن نفسي كنت عاوزه هندسه ولغايه دلوقتى مش بحب الكليه عندنا مش متقبلاها بس عارفه ومتاكده ان ربنا شايلى الخير ومتاكده لو كنت فى هندسه ممكن مكنش عارفه امشي فى الكليه بس برد على بشمهندسه ريل لف ان انا مكنتش عاوزه هندسه علشان لقب . اللقب موجود فى كل حته سواق الميكروباص بنقوله يابشمهندس انا كنت حابه الكليه فعلا بس قدر الله وماشاء فعل وياريت نرضى بنصيبنا ونتعاش معاه