شرح كيفيه رفع الصور على موقع ozzo

الف شكر يا بشمهندس

Thanksss ya pop 3la el replay

الف شكر على مجهودك

انا عارفه ان ردي متاخر بس كان لازم اشكرك

لاني مكنتش بعرف انزل اي صور قبل كده في مواضيعي واتعلمت الحمد لله

ميرسي جدا تاني مره وعلى فكره الموقعين احلى من بعض

ودايما يارب تجيبلنا الحجات اللي تساعدنا

بس انا عايزه اسال سؤال لو انا عايزه اشيل تعليق مكتوب على صوره بدون ما اخرب الصوره مع العلم ان التعليق ده مضاف من قبل حد تاني غيري ومش عايزاه يظهر في الصوره اعمل ايه

او عايزه اكتب تعليق على صوره اعمل ايه

صحيح كمان سؤال معلشي

موقع اوزو مش بيشتغل الا من الينك بتاعك ايه السبب

انا كل مره احاول اشغله من اللينك ده www.ozzo.com

بس مش بيشتغل ايه السبب

يارب مكنش تقلت عليك

بشمهندسة براف لو ممكن اساعدك
بالفعل الموقع مش هيفتح من اللينك بتاع حضرتك لان حضرتك كاتباه غلط
اللينك
www.0zz0.com
استبدلو حرف الاو o بالزير 0
يعنى الموقع زيرو زد زد زيرو
ويارب اكون افدتك

الف شكر يا باشمهندس على المعلومه

وعمري ماكنت حاخد بالي انه زيرو مش او

طب والسؤال التاني الخاص بازالة تعليق من صوره او وضع تعليق محدش قالي اعمل فيه ايه؟

والف شكر مره تانيه على المساعده يا باشمهندس خالد

بشمهندسة برااااااف
انا اسف مخدش بالى من السوال الاولانى
بس انا صراحة مش فاهم صد حضرتك يعنى وضع شروحات على الصور وكتابات
ياريت توضحى قصد حضرتك عشان اعرف اساعدك
وشككككررررررا

يعني مثلا لو حد حاطط كومنت على صوره معينه

والكومن ده مش مكتوب على الصوره نفسهابس هوه مزوده

زي مثلا الناس اللي بتكتب اساميها على الصور او اسماء مواقع عليها ازاي اقدر اشيل الكومنتتات ديه

وكمان لو انا باه حابه احط كومنت على صوره زيهم كده اعمل ايه؟

والف شكر على الاهتمام

اه معلشي بس تنيبه صغيرلان في كتير مش واخدين بالهم ان انا بنزل كل جديد متعلق بكورس الHTML في نفس الموضوع فياريت بردوا لو حضرتك نعرف حد ميغرفش تقولوا عشان يتابع معانا الكورس من اوله

بشمهندسة براف
اولا ازاى تمسحى الكومت فا دا مش هينفع لانه رافع الصورة كدة بعد لما عدل عليها تعديلاته وكتب اسمه علي الصورة او اسم المنتدى بتاعه
ازاى تضيفى الكومنت دا بأنك بتعدلى فى الصور وبترفعيها على الموقع اللى البشمهندس حازم قايل عليه
ولو عاوزة تعرفى ازاى تعدلى
فانتظرى منى انهاردة باذن الله موضوع خاص بالحكايه دى
وهضيف لحضرتك فى الموضوع برنامج قوى جدا فى الموضوع دة
ممكن تعملى منه شروحات وكل حاجة
شكرررا

خلاص ان شاء الله منتظره البرنامج

والف شكرعلى المساعده

هوه في حاجه كمان ان عايزه اعرفها بس هيه طويله وكتير قالولي ان احنا لسه حناخد الكلام ده في سنه تانيه بس لو حضرتك عارفها ياريت تفدني بيها

عايزه اعرف ازاي انزل ويندوز 7على اسطوانه ديفيدي ويكون متبوت

وعايزه اتعلم بردوا ازاي انزل ويندوز اصلا على الجهاز

ويارب مكنش تقلت على حضرتك والف شكر على المساعده

طبعا حضرتك الحمد لله عرفت تفيدني وكفايه مجهود حضرتك


وانا ان شاء الله حطبق كل ده

بس سؤال صغنطوط خالص

برنامج النيرو انزله عادي اعمله سيرش على جوجل ودون لود؟ولاايه

واسفه جدا اذا كنت تعبت حضرتك معايا

والف شكر على مجهودك الهايل

الف شكر بجد لحضرتك على البرنامج انا عملت سيرش عليه فعلا بس حيرني شويه عشان كده طلبت من حضرتك

وربنا يجازيك خير على قد تعبك

وياريت حضرتك متنساش تشوف الجديد بتاع الكورس لان اول درس نزل عشان انا مش بحط الجديد في موضوع جديد انا بكمل في نفس الموضوع

ورربنا يوفقنا جميعا ونقدر نفيد الجميع

بجد المواضيع كلها هايلة وبجد مفيدة وياريت يابراف هيرت تسالي اكتر عشان نستفيد كلنا اكتر وشكرا يابشمهندس خالد عالموضوع ولبشمهندس حازم طبعا

سوري بس مش بيطلعلي اللينكات اللي في الاخر دي اصلا ياريت لو حد يعرف يقولي اية الغلط

بشمهندسة لولو ايه لينكات ايه مش فاهم قصد حضرتك ممكن توضحى عشان اعرف افيدك

اللينكات الي المفروض هتحطها في المكان الي المفروض بعد كدة تحمل منة يعني بالظبط اللينك اللي انت تحمل من علية الصورة المرفوعة ياريت تكون وجهة نظري وصلتك

بشمهندسة لولو
قصد حضرتك رابط الصورة مش كدة
حضرتك بعد لما بتضغطى رفع الصور بتسيبى الصفحة لحد ماتحمل خالص
وهيا احيانا بتتأخر على حسب مساحة الصورة اللى حضرتك ضايفاها
وعلى حسب سرعة الانترنت عند حضرتك

فى النهاية بيظهر لحضرتك صورتين واحدة كبيرة وواحدة صغيرة وتحت كل واحدة فيهم الرابط الخاص بيها
اختارى الحجم اللى يناسبك واللى عاوزة تضيفيه
فى لينكين
رابط للمنتديات ودة اللى حضرتك هتنسخية فى موضوعك ودة بيبقى مباشر على طول
والتانى رابط الصورة ودة ممكن بردة تنسخية وهتيجى على ايقونة الصورة اللى فى المربع الخاص باضافة الموضوع
هتلاقى فى الايقونات اللى فوقة مربع الكتابة ايقونة مربعة وجواها حاجة خضرة لما تقفى عليها هتلاقى كاتب صورة
انسخى كود الصورة فييه

ويارب اكون عرفت افيد حضرتك
ثانيا اى طلب لحضرتك فى اى حاجة انا فى الخدمة وحاولى تجيبى الاسئلة اللى نفيد بيها بعض
زى البشمهندسة براف وانا تحت امركم
شكرا