خيركم من تعلم القران وعلمه

السلام عليكم ورحمة الله وبركاته


(( إِنَّ هَذَا الْقُرْآَنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا (9) وَأَنَّ الَّذِينَ لَا يُؤْمِنُونَ بِالْآَخِرَةِ أَعْتَدْنَا لَهُمْ عَذَابًا أَلِيمًا (10))) صدق الله العظيم



القرآن
(معجزة الاسلام , وحى الله الى عباده المؤمنين,منهج المسلمين ومصدر عزهم,حياة القلوب )


قال رسول الله (صلى الله عليه وسلم): ((أبشروا فإن هذا القرآن طرفه بيد الله وطرفه بأيديكم,فتمسكوا به فإنكم لن تهلكوا ولن تضلو بعده ابدا ))
صححه الألبانى فى صحيح الجامع رقم 34



من هذا المنطلق جبت الموضوع ده وبتمنى كل الناس تشارك فيه.
وهو تلاوة وحفظ كتاب الله تبارك وتعالى

الموضوع منقسم الى جزئين
الجزء الأول من الموضوع : تلاوة فقط


عبارة عن تلاوة يومية لجزء معين من القرآن الكريم
تنقسم إلى 3 مستويات :
الأول: تلاوة ربعين يوميا (حوالى 4 او خمس صفحات)
الوقت المطلوب : من 10 إلى 15 دقيقة .

الثانى: تلاوة حزب يوميا (حوالى 10 صفحات )
الوقت المطلوب : من 20 إلى 25 دقيقة .

الثالث: تلاوة جزء يوميا (حوالى 20 صفحة)
الوقت المطلوب : من 40 إلى 45 دقيقة .

أهم حاجه تجديد النية والمداومة.

وان شاء الله لو الموضوع عجبكم نكمل الجزء التانى بس يارب تقولوا رايكم

فكرتك هايله يا باشمهندسه وانا معاكي.

وانا عندي راي بان احنا ممكن نشجع بعض ازاي ؟

حقلك: ان احنا كلنا نتفق على ميعاد نقرا فيه جزء كل يوم ونحاول نلتزم بالميعاد ده وكمان ممكن كلنا ندخل هنا على الموقع عشان نضمن ان كلنا اتجمعنا وبعدين نبدا مع بعض ونحاول نخلص في الوقت اللي انتي حددتيه.

يا رب اقتراحي يعجبكم وديه طريقه نحاول ناخد بيها ثواب .

وفعلا يا باشمهندسه فكره رائعه وكل اللي حيدخل معانا وينفذ الفكره ديه حياخد ثواب وانتي كمان حتاخدي ثوابه.

وربنا يارب يجعلنا جميعا من حفظة القران.

فكره حلوه يابشمهندسه وانا معاكى فيها بس يارب باقى الاعضاء يدخلوا الموضوع بقاله كتير ومفيش غير مشاركه واحده

فكرة من اروع ما يكون بس انا عندي ملاحظة صغيرت بس

الواحد لو قرا قران لوحده ممكن يغلط في القراية ومحدش بيصلحله غلطه ودي مشكلة بس لو اكتر من واحد اتجمعو مع بعض كل يوم وقسمو ال 20 صفحة عليهم وكل واحد يقرا الجزء بتاع والتانين لو لقو عنده خلط يصحههولو

بس هيا دي الفكرة

وما تزعلوش يا بمشمهندسات من الكلام اللي انا قلته بس الطريقة اللي انتم قلتو عليها مش هتنفع بالعكس دي هتخلي الموضوع يسوء

فممكن البنات يتجمعو مع بعض ويقرو مع بعض و الاولاد يتجمعو مع بعض ويقروا مع بعض

و الف شكر علي الموضوع ده مرة تانية

اكيد طبعا كلام حضرتك مظبوط يا باشمهندس بس الفتره اللي اتطرح فيها الموضوع كانت في الاجازه ومكنش ينفع نتجمع لان كل واحده فينا من بلد مختلف عن التاني بس كانت القصد من الفكره ان الواحد يعمل خير في الاجازه ناخد بيه ثواب بدلا من الوقت اللي كله كان ضايع على الفاضي ولما نقرا ونغلط غصب عنا افضل من ان احنا منقراش خالص وطبعا من الافضل انك تقرا مع حد يكون متمكن عشان تقرا صح بس الواحد بيحاول على قد مايقدر انه يبحث عن طريق يجمع بيه شوية حسنات عشان يغفروا الكثير من السيئات التي نفعلها في حياتنا اليوميه ولكن فترة الاجازه انتهت فعلا ولم ينفذ احد منا هذه الفكره للاسف طبعا بس زي ماقلنا قبل كده محدش شجعنا ولذلك لم تكتمل الفكره.

وشكرا على رد حضرتك

كلامك مضبوط يا بشمهندسة بس دلوقتي واحنا في الدراسة لو اتجمعنا مثلا يوم في الاسسبوع نقرا قران الولاد مجمعة في مكان والبنات مجموعة في مكان تاني و متهيلي يوم في الاسبوع وساعة واحدة في اليوم مش كتير وانا فاهم قصدك انا في الاجازة كنت مسافر انا كمان بس ليه ما نقراش مع الناس اللي نعرفهم في المكان اللي احنا سافرناله مع كل احترامي لرايك بس ده مش سبب وجيه

بجد فكره جميله اووووى اننا نقرا قران وانا مع راى باشمهندس طارق اننا نتجمع البنات فى مكان والشباب فى مكان ونقرا قران والى دارس مننا تجويد يصحح الاخطاء للاخرين

وانا موافقاكم جدا بس ياترى حنفذ ولا كالعاده كلام وبس

انا لو عني انا بنفذ الحكاية دي من زمان وبتجمع دلوقتي انا وبابايا و ناس اعرفهم و بنقرا مع بعض و بصراحة الحكاية دي كانت من ساعة ما كنت في 2 ثانوي

والحكاية عجبتني فحبيت اقلكم عليها ممكن تستفيدو و تنفذوها

و احلي ما في الموضوع لما يكون معاكم حد اكبر منكم في السن مخلص جامعة لانه هيكون عنده فكرة اكتر منكم عن تصحيح الاخطاء والتجويد

و بشكركم لانكم اخدتم برايي

كلامك مظبوط جدا وربنا يكرمك وتفضل كده علطول وربنا يزيدك وتقرا اكتر ان شاء الله .

وان شاء الله احنا كمان ممكن ننفذ كلامك وشكرا على النصيحه