اييه رايكوا فى امتحان الاحصااااااااا؟؟اكيد نووو كومنت صح؟؟

ردا على موضوع البشمهندس محمد القرشى (لو عايز تنجع فى الاحصا)انا شايفه ان ده احتمال ضعيف
انا من رايى الامتحان كان صعب وطويل وامووووت واعرف السؤال التانى ده الدكتور جايبه منين بالظبط لدرجة انى شكيت ان الامتحان ده غلط وانه بتاع الفرقه التانيه ونزل لنا غلط .انا بس زعلانه ان المادة دى كنا مزاكرنها كويس وضامنين فيها تقدير كويس. اومال هنعمل اييه فى باقى المواد اللى احنا ضايعين فيها؟؟؟!!!! (سؤال تطرح نفسه) انا عاوزه اعرف انتوا رايكواا اييه فى الامتحاان؟

بصي يا بوسي انا مقدرش اقول غير حسبي الله ونعم الوكيل

بس كل اللي مزعلني اني تعبت جامد للماده ومقصرتش فيها وحفظت القوانين وعملت كل حاجه وفي الاخر تعبي راح على الفاضي

المشكله فعلا ان الماده اللي احنا كنا واثقين فيها جت كده امال المواد الصعبه بجد حنعمل فيها ايييييييييييييييييييه؟

بجد حراااااااااااااااااااااااااااااااااااااااااااااااااااام

والله بجد يا بوسى انا بجد مش عارفه اقول ايه شكلها كده الواحد ميزاكرش علشان كده كده الواحد بيدخل الامتحان مبيحلش فى كليتنا دى
ولا اقولك الواحد يعمل الى عليه ويسيب الباقى على ربنا وان الاه لا يضيع اجر من احسن عملا

انا مش لاقى كلام غير ده

جااااااااااااامد الفيديو جاااااااااااااي في وقته بصراااااااحه

بس على فكره اللي مغني الاغنيه ديه اسمه محمد رحيم

تامر عاشور يا طب اناديك بايه

______________________


اذا اردت شيئا بشدة فاطلق سراحه..فإن عاد اليك فهو ملك لك إلي الأبد و ان لم يعد فهو لم يكن لك من البداية

ههههههههههههههههههههههه
انا اللي غايظني ان الدح اللي احنا دحناة امبارح كلة راح عالارض لان حتي المسائل القليلة اللي انا كنت اعرفها مالحقتش اكملها
ماتخافوش ياجماعة كلة بيعدي

والله حرام بجد اللى حصل كل سنه بيبقا الامتحان من الكتاب وانا منمتش خالص
وقعدت ازاكر الامثله وقولت كلو تمام روحت الامتحان اكنى مرحتش بس احساس وحش اوى لما تزاكر حاجه كويس ومتعرفش تحل بجد حاجه تنقط او تشل ولتانى مره كمان كدا بجد حرااااااااااااااااااااااااااااااااااااااااااااااااااااااااااااااااااااااام

اولا شكرا يا جماعه على ردوركم
ثانيا الحمد لله انى مش لوحدى اللى حست ان الامتحان كان وحش
ثالثا يا رب نعدى من المادة دى على خير اصل اللى حصل حصل والحمد لله على كل حاجة

والله حراااااااااااام
انا كنت هعيط والله
وحسيت انى جالى حاله عصبيه فى اللجنه
بجد لما شفت السؤال التانى حسيت ان دماغى حصلها حاجه والقوانين كلها دخلت فى بعضها
ومحلتش حاجه بعديه
يعنى مش حلييت غير السؤال الاول بس دا لو كان صح اساسا

والمصيبه انى كنت باخد فيها كورس وكنت فاهمها
وحليت امتحان لوحدى قبل الامتحان بيوم
وقولت اشطه انا هظبط

انا اتظبط مش ظبط

ربنا يستر على الباقى
بجد لو الفزياء هتبقى كدا هيا كمان انا ممكن مجيش امتحانات المواد اللى بعديها

بجد اللى بيحصل دة حرام بجد اية الامتحان دة هو لية بيعملو فيناكدة مش كفاية الى حصل فى الثانوية
والغريب أن لما تيجى تسأل حد أكبر منك يقولك أمتحان الاحصاء دةبيبقى من الكتاب بس واضح فعلا انة من الكتاب
لما المادة اللى تقريبا واثقين منها وحصل فيها كدة أمال باقى المواد هتبقى شكلها عامل أزاى ربنا يستر

هو فعلا نوووووووووووووووووووووووووووووووووووووووووووو كومنت

مفيش فى ايدى حاجه غير ان انا اقول حسبى الله ونعم الوكيل
وان الله لا يضيع اجر من احسن عملا
وربنا يستر فى باقى المواد

بجد فعلا خسارة انى الواحد زاكر اساسا فى المادة دى
وانا بصراحة كنت مهمل جدا للمادة طول السنة ومش بحضر لا محاضرات ولا سكاشن واعمال السنه معايا زى النيله على اساس ان الفاينل هيظبط كل حاجة وزاكرت على انى هقفل الامتحان
واديها عكت فوق دماغى

على فكرة الامتحان دة انا شايف ان مش دكتور محى اللى حطه
ممكن يكون دكتور وائل لو تلاحظوا اساسا ان الورقة مافيهاش اسم الدكتور اللى حاطط الامتحان
والدكتور اللى حاطط الامتحان اكيد ماعندوش خلفيه باللى احنا خدناه
لان دكتور محى عارف كويس ان الشبترين السابع والتامن احنا لسه واخدينهم
ومش معقول كان يركز عليهم اوى كدة

ده انتوا شكلكوا على اخركواا واللهى احنا دفعة عسل
لا ولسه لما تطلعوا من امتحان الفيزيا
على العموم ربنا يستر

احصاء ايه اللي كانت صعبه بلاش كلام فارغ انت و هيا...................

اسمعو انا مبقولش كده علشان المتحان فعليا كان سهل بس كان بصراحه محتاج تركيز ليس الا و على فكرة البشمهندس خالد عند حق و الله اعلم مش الدكتور محي اللي حط الامتحان و على فكرة ده مش عذر لينا على ان احنا نلخبط و صدقوني مش انتا و لا انتي و لا انا بس اللي لخبطنا كل واحد فيينا حل و خلاص و انتهى الموضوع سيبوها على الله فربنا سبحانه و تعالى مسبب الاسباب و محدش عارف...... و بعديين لو الناس معرفتش تحل ده مش ذنب الدكتور محي الراجل ده انا شايف انو عمل الواجب اللي عليه و زياده و انا مبقولش كده مدح اقسم بالله و الله مبقول كده مدح...
بس انا شايف انا الرجل ده تعب معانا.... هوا و كل المعيدين اللي بيوجعو قلبهم معاكم في الساكشن المفروض تحسو بيهم مش تضغطو عليهم اكتر و الامتحان كان كا اللي محتاجو و شوية تركيز و تفكير وز احنا للاسف مبنفكرش!!!!

حضرتك جبتهخها وبصراحه احنا فعلا مش بنفكر عاملين حسابناان في شكل معين للاسئله في الامتحان حيجي عليه ولما اتغير كلنا تفكيرنا اتشل

مش عارفه ليه المفروض التفكير يكون بالمنظر ده في الكليات النظريه مش في كليتنا

بس انا حاسه ان العيب مش فينا انا حاسه ان التعليبم المصلري هوه اللي مش بيعلمنا نفكر او نبحث للاسف اتعودنا على الصم فقط

بس اخر حاجه عايزه اقولها ان الامتحان كان طويل ودي حاجه مينفعش تنكرها وعلى فكره الموضوع ده سببلي مشكله لاني كنت سايبه مسائل في النصف وكمان عقبال ما وصلت للمسائل السهله اللي انا عارفاها كان الوقت خلص وملحقتش احل اللي انا عارفهوعلى فكره مدام الدكتور جاب الامتحان بالمنظر ده يباه هوه كان مضايق مننا عشان محدش كان بيهتم بمحاضراته وحب يطلعه علينا

وفكرة ان دكتور تاني هوه اللي حط الامتحان نوعا ما مستحيله لان معروف ان مفيش حد بيحط امتحان الماده غير الدكتور اللي بيديها