عدد الرسائل : 341 العمر : 32 تاريخ التسجيل : 29/01/2009
موضوع: المحقق كونان الأربعاء 25 مارس 2009 - 0:58
هذا الموضوع يتضمن العديد من الحلقات والألغاز الذكية من ملفات البوليس ، وسوف أجسد في هذا الموضوع شخصية ظابط شرطة ، وعلي باقي اعضاء المنتدي النفكير في حل اللغز أو القضية وارسال الردود بها الحل " مين الجاني " وازاي عرفت انه الجاني علي حسب القضية الي أمامكم ........... وسوف أضع حل اللغز كل ثلاث أيام من طرح القضية مع وضع قضية ولغز جديد ........... متفقين........ وخلونا دلوقتي نختبر ذكائكم ...........
****** لغز آلة اللحام ****** كنت قاعد في أمان الله في قسم الشرطة وبشرب كباية قهوة سادة أنا وزمايلي الضباط ........... ماهو ملناش شغلة ولا مشغلة ....... المهم ... فجاة دخل علينا راجل كبير كان بيصرخ وبيقول : الحقوني .. الحقوني ... انا اتسرقت ...... فلما قعدت معاه علشان يشرحلي ايه الي حصل بالضبط ...قال : يا باشا أنا اسمي مدحت وشغال مهندس في ورشة واخترعت من يومين آلة لحام جديدة ، وامبارح أنا سبت الورشة الساعة 6 مساء ، وجيت النهاردة الساعة 8 صباحا الورشة ، ودخلت الغرفة الي لونها أزرق غامق فملقتشي آلة اللحام الي لونها أزرق فاتح ... ومحدش يعرف بحكاية اختراع الآلة دي الا شخصين اثنين وهما ... الاسطي حنفي ... والاسطي زغلول ... واداني كتالوج لونه أصفر وفيه صورة للألة المخترعة لونها برتقالي علشان يعرفني علي الجهاز ......." خنيق قوي " طبعا أنا بقيت قاعد متضايق علشان القهوة بردت وكمان كلامه كتير وممل وأنا كنت عايز أنام قوي يوميها ........ المهم .... خدت العربية بتاعتي ومعايا قوة مدرعة بأحدث المعدات العسكرية ورحت أقبض علي الاسطي حنفي .. والاسطي زغلول........من بيتهم ... خبطت علي باب الاسطي حنفي لقيت مراته بتزعقله ... وبتضربه علقة تمام يعني " طبيعي يعني " قعدت اتفرج عليه شوية وأضحك عليه وبعدين رحت قابض عليه هو ومراته .. وقعدت طول الطريق أضرب فيه وهو يضحك ولا بيحس بحاجة خالص " متعود بقي " .......... وخبطت علي باب الاسطي زغلول لقيت مراته بتغسله رجله بالميه والملح ... وأمه كانت بتاكله .... أقعدت كلت معاه لاني كنت جعان قوي ساعتها ...وبعدين قلتله : قدامي يا روح أمك ..... ورحت مجرجره من أفاه علي القسم ........... وفي القسم بقي بعد طبعا ما خدوا واجبهم من كبايتين كرباج علي ضهرهم .. و 70-80 قلم علي أفاهم كان لازم يتكلموا بعدها ......... طلبت من الاسطي حنفي انه يشرح لي عمل آلة اللحام مستخدما الكتالوج الخاص بالآلة ..... بص خنفي شوية كده في الكتالوج وقال : أنا مش شايف آلة في الكتالوج ولا حاجة ... رحت مناوله علي أفاه قلم تمام يعني ......وبعدين سالته : امتي آخر مرة شوفت فيها آلة اللحام ؟ قال حنفي : شوفتها في المخزن امبارح لما دخلت الساعة واحدة الظهر ........ وبعدها رفعت ايدي ولسه هنزل بيها علي أفي الاسطي زغلول ..... وريته الكتالوج هو كمان وقلتله : وانت ياد يا زغلول امتي آخر مرة شوفت فيها الآلة ؟ قال : أيوه... أيوه ... أيوه ... يا باشا أنا عارف الالة دي و آخر مرة شوفتها فيها أمبارح الساعة 10 صباحا جربتها في المخزن ، واتاكدت انها شغالة وبتلحم كل أنواع المعادن والسبائك والبلاستك بكفاءة والعملية دي خدت مني ساعة واحدة ..وخرجت بعدها ........ رحت ناده للشويش وخليته ياخدهم علي الحجز وبعدها بقي أنا اتاكدت ان الحرامي واحد من الاثنين دول .......... يا تري مين هو ...؟ وليه ....؟
tarek_pop عضو مبدع
عدد الرسائل : 407 تاريخ التسجيل : 01/03/2009
موضوع: رد: المحقق كونان الأربعاء 25 مارس 2009 - 1:18
اللون بتاع الالة ازرق فاتح ولا برتقالي زي ما في الكاتلوج؟؟
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الأربعاء 25 مارس 2009 - 16:28
اللون بتاع الالة الي في الاوضة ازرق فاتح بس اللي في الكاتالوج لونها برتقالي و الكتالوج لونه اصفر
tarek_pop عضو مبدع
عدد الرسائل : 407 تاريخ التسجيل : 01/03/2009
موضوع: رد: المحقق كونان الأربعاء 25 مارس 2009 - 16:50
شكلو كدا الواد زغلول
tarek_pop عضو مبدع
عدد الرسائل : 407 تاريخ التسجيل : 01/03/2009
موضوع: رد: المحقق كونان الأربعاء 25 مارس 2009 - 16:51
علشان المكنة ما ينفعش تلحم بلاستيك الا اذا كانت مكنة غير طبيعية
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الأربعاء 25 مارس 2009 - 22:13
ماشي هنشوف الاجابة بكره ان شاء الله بس ليه مفيش مشاركات تانية هو محدش فاهم اللغز
tarek_pop عضو مبدع
عدد الرسائل : 407 تاريخ التسجيل : 01/03/2009
موضوع: رد: المحقق كونان الأربعاء 25 مارس 2009 - 23:52
مش عارف والله شكلهم ما يعرفوش الاجابة علشلن كدا مش بيشاركو
braveheart عضو ملكــــــى
عدد الرسائل : 935 العمر : 32 تاريخ التسجيل : 28/01/2009
موضوع: رد: المحقق كونان الأربعاء 25 مارس 2009 - 23:56
انا بردوا بقول انه زغلول لانه لما كونان راح يافشه لقى مراته مهنناه يعني اكيد مرسيها على الدور وانه سرق الاله وحيبيعها وحيجيبلها فلوس كتير فاكيد عشان كده هيه كانتت مهنناه
لكن يعيني حنفي كان بيضرب ما اظنش واحد يكون بيضرب وطالع عينه بسبب مراته حيكون عنده مخ يفكر في سرقه ولا حتى حيعرف يخططلها
بس انا موضوع الالوان الكتير ده مش مريحني حسه ان له هدف في اللغز بس انا مش قادره اوصلله وكمان مستغربه ليه حنفي مشفش الاله في الكتالوج ياترى من كتر العلق اللي خدها
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 0:01
حلك كويس ,, وبالنسبة للالوان عايزة نصيحتي دققي فيها وان شاء الله اللي هيجيب الحل صح ليه يطلب الي هو عايزه وان شاء الله انا هعمله لوكنت هقدر
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 0:01
انا بتيألي حنفي لأن زغلول كان شاف الالة الساعة 10 صباحا و قال انو استعملها ساعة و بس يعني للساعة 11 صباحا و لكن معنى ان حنفي يرجع الساعة 1 الظهر و تكون موجودة فده معناه ان زغلول مخدش الالة يعني لانو ساب الورشة الساعة 11 صباحا و كانت موجودة لما حنفي رحع الورشة الساعة 1 ظهرا فده معناه زغلول مسرأهاش لكن اللي سرأها حنفي...
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 0:05
هو حضرتك قربت شوية بس فيه حاجة مش مزبوطة والادلة كمان مش كافية احنا عايزين ادلة نزنق بيها على المتهم علشان يقر ويعترف
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 0:14
انا عرفت الادلة الناقصة كمان دلوأتي حنفي فعلا هوا اليرق الالة تتتدم.... لان الراجل صاحب الاختراع قال الالة اونها ازرق فاتح في اوضه لونها ازرق غامق و اللي كانت في الكاتلوج لونها برتقالي و الكاتلوج لونه اصفر و الالة اصلا لونها ازرق فاتح و حنفي عارف كده فلما الضابط سأله عن الالة اللي في الكاتلوج معرفهاش لان لون اللي في الكتالوج برتقالي و ده دليل انو عارف ان الالة لونها ازرق فاتح و عارف شكلها كويس و بكده هوا اللس سرقها مش كده بردو....
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 0:25
هاه يا بشمهندسة كلامي صح و لا غلط و لا ايه ؟؟؟
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 0:28
هو حضرتك قربت اوي بس ركز شوية بس مش مشكله ادي اول عضو يفوز بالجائزة نشوف الباقي
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 0:33
لو كان الجزء الناقص عايزاه بالمره فهوا انا بتيألي انو كان حنفي كمان مراتو بتبهدلو و تضربو علشان هوا اكيد قالها انو هوا اللي سرق الالة و هي بتضربو و بتبهدلو علشان العمله اللي هوا عملها كانت غبية و مراتو كانت عارفه ان البوليس كان حيقبض عليهم مش كده... طيب بس ممكن اسال س}ال كمان انتي قولتي يا بشمهندسه اني في جايزه يا ترى ايه هيا الجايزه؟؟؟
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 0:41
هو الدليل الاخير مش مزبوط بس هنحطه في الاعتبار
وبالنسبة للجايزة حضراتكم اللي تقروروا والحل الصحيح هينزل بكره ان شاء الله
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 0:48
يعني المهم ان حنفي هوا اللي سرقها مش كده.... شوفتو...ها ايه رأيكو في الدماغ الجامدة بتاعتبي؟؟؟ مع اني كنت متأكد نا الي سرق الالة هوا السيد ابو حفيظة...هاهاها!
او يمكن المعلم شلاطه بتاع البطاطا....
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 1:01
حل اللغز
الحرامي هو الاسطي حنفي لانه لما مسك الكتالوج معرفشي يشوف الالة الي لونها اصفر في الكتالوج الي لونه برتقالي ومع ذلك هو قال بعدها انه شاف الالة في المخزن وهي لونها أزرق فاتح والمخزن لونه أزرق غامق ...........بالاضافة الى ما قاله الباشمهندس احمد في الاول
دلوقتي يا باشنهندس اختار جايزتك تحب نجيب كرت شحن ولا موبايل هدية؟؟؟؟
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: رد: المحقق كونان الخميس 26 مارس 2009 - 1:08
الموضوع مستمر وهنزل اللغز الجديد بكره ان شاء الله بعد مانرجع من الكلية بس هسيب مدة اطول يعني 4ايام ومش هدخل في الحلول بس عايزة مشاركات كده وكل واحد يفكر
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الخميس 26 مارس 2009 - 1:16
كان لازم اخش شرطة....! و بالنسبة لموضوع الجايزه ده فبتيألي حفكر فيه اوك و بكرا حقولكو انا اخترت ايه...
Damaged Excellent Member
عدد الرسائل : 341 العمر : 32 تاريخ التسجيل : 29/01/2009
موضوع: لغز السهرة الاخيرة الجمعة 27 مارس 2009 - 13:06
يوم تلاتة رمضان من السنة الي فاتت ... كنت ظابط المنبه علي الساعة 3 الصبح ..علشان أصحي أحضر السحور لأخواتي وبعدين أصحيهم " كالعادة يعني"....المهم حضرت السحور وصحيتهم وعملت لنفسي كباية شاي قبل الأذان ولسه هشرب أول بق من كباية الشاي لقيت جرس التليفون بيرن ....... قلت : ألو ..لقيت واحدة بتصرخ وبتقول ...الحقني يا باشا جوزي اتقتل .... خدت منها عنوان الشقة وقلتلها أنا جاي حالا .... ورحت واخد كباية الشاي معايا ...ما هو مش معقول يعني كل ما أعمل كباية شاي أو قهوة تحصل مصيبة .... لما وصلت للشقة ودخلت لقيت جوزها مرمي علي الارض والسكينة في صدره والدم بتاعه مغرق السجادة.... فدخلت الغرفة بتاعته لقيت الخزنة مفتوحة وكان فيها "ورق كوتشينة وشوية ملفات "..... ولما سألت مراته عنه واذا كان ليه أعداء أو لا وكانت فين هي لما مات .... قالت : يا باشا جوزي اسمه فتحي وشغال مهندس وهو ملهوش أي أعداء وفي حاله ... وانا امبارح سبت البيت الساعة 12,30 باليل علشان خرجت اتفسح مع ماما وقبل ما أمشي كان في تلاتة أصحابه قاعدين معاه وكانوا بيلعبوا كوتشينة وبيسمعوا موسيقي ولما رجعت النهاردة الساعة 3 الصبح لقيته مرمي علي الأرض وسايح في دمه "هعيش من بعدك ازاي ازاي يا نور عيني "... وقعدت تعيط وتندب ... قلتلها : اسكتي بقي شوية يا وليه خليني أعرف اشوف شغلي .. أمال لو كان أمور شوية كنتي عملتي ايه .. ده عنده 70 سنة ....وعرفت منها أسامي أصحابه ...الاول اسمه " محسن الجبار" والتاني " عوض خلف خلاف " والتالت " سعيد أون لاين"...... وخدت نفس القوة المدرعة بأحدث المعدات العسكرية ورحت أقبض عليهم وخدتهم علي القسم ..... وطبعا زي التانيين برده عملت معاهم أحسن واجب لحد ما بقي كل واحد فيهم نفسه يتحكم عليه بالاعدام أرحم له .... لما سألت " محسن الجبار" : كنت فين من الساعة 12 باليل لحد الصبح يلا ...آه ؟ قال : يا باشا والله العظيم كنت سهران انا وعوض وسعيد عند المهندس فتحي وكنا بنلعب مع بعض كوتشينة ومشينا كلنا من عنده الساعة 2 الصبح واستلمت وردية الشغل في السنترال لحد الساعة 8 الصبح ..وامضتي موجوده وسط الفنيين وبعدين ياباشا سعادتك قبضت علي من السنترال ... ولما سألت "عوض خلف خلاف" قال : أنا رجل أعمال وامبارح كنا سهرانين احنا التلاتة عند فتحي وقعدنا نلعب كوتشينة ونسمع موسيقي ونزلنا مع بعض الساعة 2 الصبح ورحت سايق العربية تحت ضوء القمر ورحت للمطار علشان استقبل واحد قريبي كان جاي من السفر .. وخدته الساعة 3 الصبح ورجعنا البيت ...... ولما سألت "سعيد أون لاين " قال : احنا قعدنا نلعب مع بعض كوتشينة ونسمع موسيقي ونزلنا مع بعض الساعة 2 الصبح ورجعت البيت لقيت ابني تعبان .. رحت واخده ورايح علي المستشفي ورحعت البيت الساعة 3 الصبح وبعدين سعادتك جيت قبضت علي ..... ماهي المصايب يوم ما بتيجي بترخ علي الواحد ........ رحت خبطه بالقلم علي أفاه .... بعدها بقي أنا عرفت مين هو القاتل ؟ مين القاتل .............؟ وليه ............؟
braveheart عضو ملكــــــى
عدد الرسائل : 935 العمر : 32 تاريخ التسجيل : 28/01/2009
موضوع: رد: المحقق كونان الجمعة 27 مارس 2009 - 14:01
انا بقول ان القاتل هوه عوض خلف خلاف لان محسن الجبار حجة غيابه قويه ان هوه كان في شغله لو كان ساب الشغل كان ممكن يتعرف ويكون هوه القاتل لكن هوه كان في السنترال لحد الساعه 8
سعيد اون لاين حجة غيابه بردوا قويه لان هوه خاد ابنه للمستشفى يعني اي حد من عمال المستشفى او الدكتور نفسه اللي كشف على ابنه يقدر يثبت حجة غيابه
اما عوض في ادله كتير ضده موضوع ان معاه عربيه ده يسهل جدا انه يرتكب جريمته بسرعه وخاصة انه رجل اعمال يعني مش بيبحث عن فلوس اكيد كان في ورق مهم في الخزنه عشان كده هوه قتله وخد الورق المهم وساب الورق اللي هوه مش محتاجه وبسرعه طبعا راح ياخد صاحبه من المطار ماهوه معاه عربيه يعني يقدر يعمل ده كله في اقل من ساعه الاربع لانه اكيد نفذ خطته بعد فتره قليله من الساعه 2 لحد مايكون اصحابه ابتعدوا من المكان
braveheart عضو ملكــــــى
عدد الرسائل : 935 العمر : 32 تاريخ التسجيل : 28/01/2009
موضوع: رد: المحقق كونان الجمعة 27 مارس 2009 - 14:03
وه لو ينفع اقول ان انا شكه في حد كمان اقول ان انا شكه في مراته انها هيه اللي قتلته وبعد ما قتلته فتحت الخزنه وحطت فيها الكوتشينه عشان تحاول تلزق الجريمه في اصحابه عشان هيه عارفه انهم كانوا بيلعبوا كوتشينه
tarek_pop عضو مبدع
عدد الرسائل : 407 تاريخ التسجيل : 01/03/2009
موضوع: رد: المحقق كونان الجمعة 27 مارس 2009 - 16:17
انا بتفق مع البشمهندسة بريف هارت ان عوض هوا اللي قتله
Eng.Ahmad Active Member
عدد الرسائل : 201 العمر : 32 العمل/الترفيه : الكمبيوتر المزاج : ليسا عايش!!! تاريخ التسجيل : 03/03/2009
موضوع: رد: المحقق كونان الجمعة 27 مارس 2009 - 17:15
للاسف يا بشمهندسيين فكرو تاني... انا على العموم بتيألي لربت اوصل للقاتل بل انا عرفت مين هوا بس محتاج شوية دلائل تانية....