شباب سحرهم جو الكليه

تذكير بمساهمة فاتح الموضوع :

السلام عليكم ورحمة الله وبركاته

طبعا قبل ما اتكلم فى الموضوع كلكم عرفينه وفهمينه وعلى رأى المثل ( الجواب باين من عنوانه )

احنا الشباب الى سحرهم جو الكليه . كنا فى الثانويه مفيش ولد يستجرى يكلم بنت او بنت تستجرى تكلم ولد حتى ولو فى حدود الادب وده لاننا كنا بننكسف من بعض .

لكن اول ما دخلنا الكليه حسينا ان الموضوع سلطه كل بنت مع ولد وبيتكلمو كلام فاضى يا ريته كلام فى حدود العلم .

اول ما دخلنا الكليه بقى اكل البيت مش حلو لكن اكل المطاعم ياااااااااااااااااااااه جميل اوى شيك ولذيذ وكله عك فى عك .

اول ما دخلنا الكليه بقى لبسنا اوووووووووف مش عصرى ومش شيك ومينسبناش لانه لبس محترم لكن اللبس الى يناسبنا هو لبس البناطيل والباضيهات الضيقه .


اول ما دخلنا الكليه لازم كل واحد وواحده تمشى الهاند فرى معاها وقاعده تسمع اغانى لان ده بيديهم شياكه واناقه ويسلام لما يبقى لونها ماشى مع لون الطقم تبقى تحفه .

اول ما دخلنا الكليه بقى الميكروباص اووووووووف خنيق وزحمه ومينسبناش كطلبه لكن التاكسى جميل ومريح وياسلام لما نضغط على بابا انه يجبلنا عربيه عشان نبقى عيال كوووووووووووول.

اول ما دخلنا الكليه بقى معظم كلمنا بالانجليزى لانه بيخلى كلمنا شيك اوى ويحسسنا اننا عصريين لكن العربى لا ( يا شباب النبى العربى وكل الرسل والانبياء).

وحاجات غيرها كتير بجد احنا اتغيرنا بس يا خساره اتغيرنا للاوحش مش للاحسن ياريت نعدل من نفسنا شويه وبجد انا اسفه ومحدش يزعل من كلامى بس دى وجهة نظرى واكيد وجهة نظركم كلكم .

بجد نفسى كل واحد فيكم يقول هل الكلام ده ينطبق عليه ولا لا ؟ ويا ترى هو راضى عت التغير ده ولا لا ؟ بس بصراحه .

عايزه اقللك ان ردك الاخير ده عجبني جدا وعجبني كمان اكتر من الموضوع نفسه لانك عرفتي تنهي الموضوع صح متفهمنيش غلط انا الموضوع عجبني بس المشاحنات اللي حصلت ديه ضايقتني شويه بس بجد انتي مشكوره على ردك الجامد ده لان احنا في الاخر زمايل ولازم نتعامل مع بعض احسن من كده.

وانا حبه اقول ان الانسان بالطبيعه كل ما بيكبر مل ما بيتغير بس في اساسيات واخلاقيات هوه اتربى غليها لايمكن يقدر ينساها او يفقدها مع مرور الوقت او تغير الظروف فلايمكن يكون الانسان ماشي طول عمره بمبدا صح ولما يدخل الكليه حيغير مبداه عشان يعمل حاجه غلط ماظنش انه حيتخلى عن الصح من اجل الخطا .

اما بالنسبه لللبس فانا شايفه ان احترام البنت بيظهر من لبسها واكيد انتي فهماني واللي بيحترم نفسه في الثانوي اكيد مش حيطلع كليه ويهزا نفسه لمجرد ان الظروف من حوله اتغيرت .

اما بالنسبه للاكل في المطاعم فانا واصحابي كتير جدا بنطلع ناكل بره لان كتير جدا كلنا بنكون طالعين من البيت بدون فطار وانا مش شايفه فيها مشكله واظن ان انتي كمان بتعملي حاجه زي ديه .

وبالنسبه للهاند فري طبيعي ان احنا نستخدمها فيالكليه لما يكون عندنا وقت فاضي واللي بيكون موجود كتير في اول الترم وكمان بنستخدمها لما نحب نكون لواحدينا او مش حابين نزعج اللي حوالينا لو مش عايزين يسمعوا اللي احنا بنسمعه مش منظره يعني ولا مسالة كول وكده وعلى فكره انا لسه لحد دلوقتي مشفتش هاند فري بيمشي مع الطقم انا اعرف ان كلهم سود ههههههههههههههههههههههههههههههههه.

اما بالنسبه للميكروباص فديه مش مشكله ممكن نركب ميكروباص لو اضطرت الظروف نركب عربيه او تاكسي كل واحد وظروفه بس بردوا مالهاش دعوه بالمنظره الا طبعا انا مقدرش اعمم وجهة نظري لان اكيد في ناس ممكن تكون بتفكر كده ( وياي الميكروباص واركب مع ناس معرفهومش )بس طبعا ممكن يكون ليهم عذرهم ناس واخده على الدلع زياده عن اللزوم وده اسلوبهم ومش حيعرفوا يغيروه .

بس انا عجبتني روحك الرياضيه جدا في الاخر وبحيكي فعلا على ردك الجامد جدا واوعي تزعلي من كلامي

م اناعايزة اقول ان الموضوع مبالغ فية شويةولا اية

شكرا يا بشمهندسه علي الموضوع الجميل ده وكويس ان فيه حد ملاحظ الاوضاع دي كده كوبس
وحكاية البس والهند فرى اكيد ده عادى لكن بالنسبة للعلاقات اللى بين الشباب والبنات
اكيد هما فاهمن غلط ونظام الاشتغالات وبعد كدة يقابلوا بعض ميقولوش حتى سلام عليكم
وايه يا بشمهندسة تجارة واداب وحقوق كلهم حبايبنا واكيييييييييد مش اقل مننا فى حاجة
وشكر ا تانى يا بشمهندسة وفعلا الموضوع جااااااااااااااااااامد

مرسى والله يا جماعه لردودكم كلكم
والموضوع ده مجرد وجهة نظر ومش عايزه حد يزعل من حد بسببه
وانا محترمه جميع الردود الى فى صفى والى ضدى